web counter
LEXO PA REKLAMA!

SHKARKO APP

App Store
Google Play

E fundit!

x

Jorida zgjohet nga gjumi: S'kam dijeni për mbledhje firmash

12 Janar 2023, 15:01, Politikë CNA
Jorida zgjohet nga gjumi: S'kam dijeni për mbledhje firmash
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, tha në një prononcim për mediat, se nuk është në dijeni të zhvillimeve për mbledhjen e firmave për shkarkimin e Alibeajt. Se sa hipokrite është kjo përgjigje mund ta kuptojë çdo njeri me pesë pare mend në kokë. Jori dje bëri një status të gjatë për ca arrestime te Ministria e Financave. Kishte dijeni për to!

Besojmë se ka hapur e ka lexuar mediat se nuk imagjinojmë dot që atë personalisht e njoftuan vetë prokurorët apo larg qoftë të arrestuarit. Por mesa duket, kur ka lexuar portalet, Jori ka lexuar vetëm për arrestimet. Nuk ka lexuar as deklaratat e Salianjit, as të Berishës, as të Këlliçit, nuk ka parë as debatet politike të mbrëmjes.

Hiç Jori! Epo të të marri për budalla edhe Jori! Më tej me deklaratën e vet, Tabakun që nuk di gjë për nismën, nuk e ndalon gjë të thotë se, "këto nisma ndikojnë në copëzimin e mëtejshëm të opozitës, e cila sot sipas saj gëzon besueshmëri më të ulët se qeveria".

“Besoj që të gjithë më keni ndjekur në diskutimet e mia në këtë periudhë në PD që kam qenë konstruktive. Nuk më ka thirrur askush për mbledhje grupi, nuk kam asnjë dijeni për mbledhje firmash dhe proces tjetër. Qëllimi im është ta bëjmë PD-në alternativë dhe forcë fituese.

Është e papranueshme sot që opozita është më pak e besueshme sesa qeveria. Unë do të punoj që kjo të ndodhë sa më shpejt. Asnjëherë se kam menduar që PD të shkojë në këtë rrugë. Ka një kryetar grupi që mirë apo keq po e bën punën e tij. Copëzimi i mëtejshëm nuk e ndihmon PD-në”, tha ajo.

Domethënë Jorin nuk e ka thirrur njeri në mbledhje grupi për mbledhje firmash apo për proces tjetër. Pra as për shkarkimin e Enkelejdit e as për përjashtimet nga Enkelejdi!

Se si do e bëjë të besueshme opozitën Jori me hipokrizinë e vet dhe me parimin: "Kemi kryetar që mirë apo keq po e bën punën", vetëm Jori e kupton.

Mbase ndonjë ditë na tregon ç'punë ka bërë mirë kryetari për të cilin flet Jori. Sot puna që po bën kryetari është përjashtimi i 4 deputetëve nga grupi parlamentar. Jorit kjo i duket punë e mirë apo e keqe?/ CNA.al





Lajmet e fundit nga