E fundit!

21:39 Aktualitet

Raporti për Gjendjen e Mjedisit/ Nivel alarmant i ajrit në Shqipëri, problem Tirana dhe Elbasani

Një raporti i hartuar për Gjendjen e Mjedisit 2025 vlerëso...

"Jemi më të fortë se asnjëherë tjetër"/ Rama: Do na hidhen në fyt flamingot tani

8 Qershor 2026, 19:04, Politikë CNA

"Jemi më të fortë se asnjëherë tjetër"/

Kryeministri Edi Rama ka qenë i pranishëm në 35-vjetorin e Partisë Socialiste në Shkodër.

Në fjalën e mbajtur, Rama u ndal dhe te protestat aktuale dhe te punët e bëra nga partia e tij këto vite që ka qenë në qeveri.

Kryesocialisti tha se shumica e popullsisë sheh atë që qeveria ka bërë për Shqipërinë dhe për flamurin kombëtar.

Duke u ndalur te protestat e zhvilluara, Rama tha se nuk dihet ende se çfarë duan, duke qenë se dëgjon llol lloj gjërash.

Sa u përket ambientalistëve që kanë reaguar për investimin në Zvërnec, Rama ngriti pyetjen se ku ishin ambientalistët kur në Shqipëri ndodhte gjuetia ilegale.

“Jemi më të fortë se asnjëherë tjetër. Nuk diskutohet që do na hidhen në fyt flamingot dhe do thonë se patronazhistët dhe administrata janë mbledhur atje. Ky takim na lidh me atë që është dhe legjenda e kësaj kalaje, legjenda e atyre që përpiqeshin të ndërtonin ditën dhe e atij që prishte natën.

Shumica e shqiptarëve tani më është shumë e qartë dhe shumë e vendosur për ta çuar deri në fund këtë mision historik që fati e ka dashur të jetë në dorën tonë dhe është nderi ynë ta çojmë deri në fund.

Shumica sheh atë që ne kemi bërë për Shqipërinë, për zonat tona rurale, atë që kemi bërë për flamurin tonë kombëtar. Është kollaj të flasësh për flamurin dhe më kollaj të bësh patriotin. Edhe më kollaj të këndosh këngë patriotike, por nuk është aspak e lidhur me patriotizimin që të gjitha këto t’i përdorësh për të sulmuar dhe pëtr të bërë çmos, të mbledhësh dhe të lëshosh të gjithë gurët ndaj atyre që nuk mendojnë si ti, por janë në detyrën e udhëheqjes sepse shumica ka zgjedhur ata dhe nuk të ka zgjedhur ty. Kjo nuk është patriotike. Ajo që lind vetvetiu si pyetje kur sheh gjithë këtë që po ndodh, është se çfarë duan ata. Çfarë nuk dëgjon. Ishte një patriot që thoshte se Rama i ka ulur qëllimisht çmimet e biletave të avionëve. Çfarë do ky, që të rrisim çmimet e biletave? Këtu është një vend që thuhet gjithçka dhe askush nuk dëgjon.

U zgjuan një ditë dhe papritur të gjithë u bënë ambientalistë dhe po kërkojnë shpëtimin e Shqipërisë nga unë. Ku ishin këta kur kërciste gjuetia ilegale dhe vritehsin përditë zogj e kafshë? Ku ishin kur Shqipëria kishte në fuqi ligjin e importit të plehrave? Ku ishin kur në pyje dëgjohej vetëm një zog, sharra elektrike?

E kam me ata dhe për ata që po bëjnë çmos ta marrin peng dhe ta çojnë në drejtim të paditur atë moment shqetësimi të shumë njerëzve qytetarë që papritur u ndjenë përpara një alarmi dhe duhet të bënin diçka. Papritur morën vesh që ka një plan djallëzor për të shitur Shqiperinë, për të shkatërruar një habitat dhe për të rrafshuar një zonë të mbrojtur dhe për të sjellë aty palestinezët, izraelitët apo masivë betoni. Unë i kuptoj ata ditën e parë, të dytë, po nuk i kuptoj më kur shkojnë pas berihajit. Harrojnë se me kë kanë të bëjnë. Kam parasysh veten time, qeverinë tonë. Harrojnë që kanë të bëjnë me një forcë që mund ta kritikosht për shumëçka, por kurrë askush nuk mund t’i tregojë gishtin si një forcë që ka tradhtuar ndonjëherë interesin kombëtar. Nuk ka për ta bërë kurrë. Sepse interesi kombëtar ka qenë për PS një pikë e palëvizshme referimi”, tha Rama.