web counter
LEXO PA REKLAMA!

SHKARKO APP

App Store
Google Play

E fundit!

x

Ish-prokurori: Do të kontribuoj maksimalisht që Rama dhe Braçe të mos jenë në pushtet

20 Mars 2025, 10:50, Politikë CNA

Ish-prokurori: Do të kontribuoj maksimalisht që Rama dhe Braçe

Kandidati për deputet në listën e PD-së në Durrës, ish-prokurori Arjan Ndoja, ka deklaruar se do të kontribuojë maksimalisht për të rrëzuar nga pushteti Ramën.

Gjatë një interviste në "Kafe Shqeto", Ndoja i pyetur se çfarë do t'u thoshte në paralment Edi Ramës dhe Erjon Braçes, është shprehur se i mëshiron dhe i sheh me keqardhje pasi sulmojnë dhe nuk mbajnë përgjegjësi për fjalët që thonë.

“Ata sigurisht do ta kenë një arsye që kanë bërë këto sulme kaq represive ndaj meje. Por sigurisht, mbi bazën e fjalëve të atyre duhet të jemi të kujdesshëm që një kryeministër ose një funksionar i lartë shtetëror nxit ndjenjat të pakontrolluara dhe persona të pakultivuar dhe paarsimuar që të bëjnë këto veprime në raport me të tjerët. Ne e dimë që kur përmendet emri i një personi tjetër në Parlament, ky person ose do t’i nënshtrohet ndonjë procedure hetimore, ose larg qoftë do të jetë objekt i ndonjë sulmi fizik ndaj jetës ose ndaj shëndetit. Këta duhet të jenë më të kujdesshëm, por nuk i vë re, sepse formimi i tyre ua lejon të bëjnë kështu.

Një aktor, ose një piktor apo skulptor, e shpreh më shumë mendimet e tij nëpërmjet vendosjes së një skulpture, pikture, të cilën ne njerëzit e tjerë nuk e kuptojmë dot. Ne kemi artin e fjalës, të juristit. Dimë ta shtjellojmë fjalën, dimë të flasim bukur, por dimë ta flasim edhe saktë sepse nuk duam të përballemi me pasojat.

Këta nuk mbajnë përgjegjësi për fjalët që thonë. Personalisht, këta dy persona që thua ti unë i shoh me keqardhje. I mëshiroj për ato që kanë thënë ndaj meje. I mëshiroj personalisht, ndërsa politikisht po ju them: Do kontribuoj maksimalisht deri në fund që ata të mos jenë në pushtet. Unë personalisht”, tha Ndoja./ CNA





Lajmet e fundit nga