web counter
LEXO PA REKLAMA!

SHKARKO APP

App Store
Google Play

Rama shigjeton koalicionin e Berishës/ I keqardhur për mustaqet e Gjuzit dhe Jenishehrin

20 Mars 2025, 10:29, Politikë CNA

Rama shigjeton koalicionin e Berishës/ I keqardhur për mustaqet e

Kryeministri Edi Rama ka shigjetuar koalicionin e Berishës duke përmendur një nga aleatët, Kujtim Gjuzin, dhe Selami Jenishehrin, i cili së fundi ka braktisur koalicionin.

Rama shprehet me ironi se është prekur që Gjuzi është lënë mënjanë dhe Jenishehri është shkëputur nga koalicioni duke thënë fjalët më të rënda.

“Unë i përgjigjem veç PD-së? Unë nuk i përgjigjem PD-së fare, unë s’di ku është PD. Unë as përgjigjem, flas për kënetën. Aleanca për kënetën madhështore. Dhe jam shumë i prekur që Kujtim Gjuzi që posedon të vetmen gjë madhështore që ka në atë aleancë mustaqet e tij, është lënë mënjanë dhe patjetër jam ndier keq kur kam parë Selami Jenishehrin, i cili e ka denoncuar koalicionin me fjalët më të rënda dhe është shkëputur prej tij. Patjetër. Si mos t’i përmendim këta se ne me këta po garojmë. Këta i janë qepur Shqipërisë këmba-këmbës, ka që në vitin 1912, ndryshojnë vetëm fytyrën, ndryshojnë emrin, ndryshojnë temat, por është e njëjta kënetë. Është e njëjta specie që e përndjek Shqipërinë dhe me të cilën do mbyllet filmi në momentin që do hyjmë në BE”, tha Rama./ CNA





Lajmet e fundit nga