web counter
LEXO PA REKLAMA!

SHKARKO APP

App Store
Google Play

Hetimet e SPAK shtyjnë Kongresin e socialistëve?!

31 Tetor 2023, 17:05, Politikë CNA
Hetimet e SPAK shtyjnë Kongresin e socialistëve?!
Fotomontazh - SPAK dhe kryeministri Edi Rama

Hetimet e fundit të zhvilluara nga SPAK në lidhje me zyrtarë të lartë të PS-së, ministra, ish-ministra, drejtorë, kryetarë bashkish etj., duket se janë shkaku kryesor i shtyrjes së Kongresit Organizativ që pritej të mbahej këtë fundjavë, në datën 4 nëntor, në Tiranë.

Kryeministri Edi Rama, në mbledhjen e fundit të Asamblesë së Partisë Socialiste të zhvilluar në 4 shtator, njoftoi se në fillim të tetorit do të mbahej Kongresi dhe bëri disa ndryshime në Qeveri. Më pas socialistët konfirmuan se Kongresi do të mbahej më 4 nëntor.

Dosjet e bujshme "në duart" e SPAK

Por mesa duket shumë ujëra kanë rrjedhur këto dy muaj dhe të tjera priten të rrjedhin, shpërthime të forta nga SPAK, hetime që kanë dërguar nën akuzë ministra të tij të rëndësishëm, nga njerëzit më të afërm siç është Ilir Beqaj, apo një ministre gati 10-vjeçare si Olta Xhaçka apo ish-zv.kryeministri që ka marrë arratinë.

Nga ana tjetër vazhdojnë hetimet për inceneratorët, ka zv.ministra në burg, ministra në burg, drejtorë në hetim, kryetarë bashkish në burg dhe kryetarë bashkish në hetim, shumë emra të cilët lidhen me PS-në dhe drejtimin e saj.

Nga opozita vazhon të ketë hetime në lidhje me Gërdecin, nën gjykim është ish-ministri Fatmir Mediu, është arrestuar Jamarbër Malltezi dhe nën hetim është vënë ish-kryeministri Sali Berisha, pritet që të ketë edhe të tjera publikime nga SPAK pas hetimeve për LSI-në e kështu me radhë.

Thelbi i hetimeve nga SPAK deri në këto momente duket se janë koncesionet e Qeverisë Rama, të cilat janë sterilizimi, check up-i, inceneratorët, etj., ku janë gjetur shkelje të rënda të ligjit, korrupsion, përfitime, etj.

Në fakt, hetimet e SPAK-ut, hetimet e ngelura, ato që po zhvillohen dhe çka pritet të dëgjojmë ka qenë mesa duket arsye e shtyrjes së Kongresit të 4 nëntorit, që në fakt muaji nëntor pritet një muaj vërtet “i nxehtë” për SPAK-un.

Një nëntor “i nxehtë” nga SPAK me individë të tjerë

Në shpesh kemi raportuar se do të ishte shtatori një muaj “i nxehtë”, ku priteshin në fakt zhvillime të forta, por ato mesa duket ishin gjatë muajit tetor, ku ajo që bie në sy është marrja nën hetim e ish-kryeministrit Sali Berisha dhe një masë nga gjkykata ndaj tij siç ishte “detyrim paraqitja”, si dhe heqja e pasaportës.

Hetimet e SPAK shtyjnë Kongresin e socialistëve?!
SPAK

Nga ana tjetër, pritet që nëntori të ketë zhvillime edhe më të forta, jo thjeshtë dhe vetëm për ministrat e Ramës, por për të dëgjuar të vërtetën e korrupsionit të këtyre 30 viteve, e cila nuk ka filluar dje dhe nuk mbaron sot.

SPAK pritet të çojë para drejtësisë dhe t’i japë opinionit publik të tjerë emra shumë të fortë, të tjerë emra shumë të rëndësishëm, të përfshirë në afera, në korrupsion pas hetimeve të zhvilluara, të cilat vazhdojnë prej kohësh dhe pritet që në muajin nënor të dëgjojmë të tjera akuza për të tjerë individë në nivele të larta të politikës shqiptare./ CNA





Lajmet e fundit nga