E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Gjykata rrëzoi Bashën/ Reagon PD e Bashës

13 Nëntor 2023, 18:12, Politikë CNA

Gjykata rrëzoi Bashën/ Reagon PD e Bashës

Lulzim Basha

Partia Demokratike e vulës ka reaguar pasi u bë publik lajmi se Gjykata e Tiranës nuk ka njohur Lulzim Bashën si kryetar të Partisë Demokratike dhe as Kuvendin e 2 shtatorit.

Gjykata pranoi kërkesën e Partisë Demokratike të Sali Berishës. Si rrjedhojë është pezulluar çështjen për shqyrtimin e kërkesës së Bashës për miratimin e Kuvendit Kombëtar të 2 Shtatorit.

Zëdhënësja e Partisë Demokratike, Mirela Karabina në një deklaratë mohoi vendimin e gjykatës duke thënë se, vendimi i gjykatës së Tiranës aprovoi Bashën si kryetar të PD-së.

“Sot në Gjykatën e Tiranë u zhvillua seanca e radhës për shqyrtimin e kërkesës së Partisë Demokratike për regjistrimin e statutit të miratuar nga Kuvendi Kombëtar i datës 2 Shtator. Vendimi i sotëm i gjykatës provon 2 gjëra: Së pari që Lulzim Basha është kryetar i Partisë Demokratike dhe; së dyti që gjyqtari refuzoi të vlerësonte nëse fabula e Këshillit Kombëtar online është ndërtuar mbi akte të falsifikuara.”, tha ajo.

Pavarësisht pohimit fillestar rreth kreut të PD Karabina më tej tha se çështja nuk ka lidhje fare me kryetarin e Partisë Demokratike as me funksionimin e PD-së.

“Ende pa mbaruar procesi e pa folur gjykata është shpërndarë një deklaratë e parapregatitur me qëllim deformimin e të vërtetës. Edhe pse gjyqtari nuk ja nënshtroi vlerësimit Statutin e datës 2 shtator, deklaruesit pretendojnë se ai është rrëzuar. Deklarata të tilla të hartuara nga grupime që i kanë shpallur luftë SPAK, si gjithçka tjetër, janë thjesht mashtrime. Çështja nuk ka lidhje fare me kryetarin e Partisë Demokratike as me funksionimin e PD-së.”, u shpreh Karabina.

Lideri historik i demokratëve, vetëm pak çaste më parë njoftoi se do të mbajë një takim me demokratë. Ai bëri me dije se takimin do ta zhvillojë në orën 18:00 në qytetin e Kavajës. Konkretisht, prezentë në tryezën e organizuar nga Berisha do të marrin pjesë anëtarët dhe simpatizantët e PD-së në këtë qytet. Me siguri në këtë takim do të ketë dhe një reagim nga Berisha./ CNA