web counter
LEXO PA REKLAMA!

SHKARKO APP

App Store
Google Play

E fundit!

x

Gjergji Gjata “bën gati bisturinë për sëmundjen malinje”/ Zotimi para demokratëve për Korçën

22 Shkurt 2023, 19:44, Politikë CNA
Gjergji Gjata “bën gati bisturinë për sëmundjen
Mjeku Gjergji Gjata

Mjeku Gjergji Gjata është prezantuar sot zyrtarisht si kandidat për bashkinë e Korçës në zgjedhjet lokale të 14 majit.

Gjatë fjalës së tij, Gjata dha mesazhe të forta për ta çuar PD-në e Korçës drejt fitores.

Ai u zotua para demokratëve se askush nuk do ta blejë më opozitën lokale dhe se do të kapë bisturinë për të hequr sëmundjen malinje në Korçë.

“Kësaj here nuk e blejnë dot opozitën lokale. Do luftojmë me gjithçka mundemi që mos blejnë votën e të varfrit me paratë e krimit.

Blerja e votës është mekanizëm kyç për suksesin e Rilindjes. Kryetari i bashkisë dhe ministri de facto si kryetar i bashkisë kanë rrënuar këtë qytet.

Varfëria nuk do lëmoshë paraelektorale, do strategji, investime dhe bisturi mbi sëmundjen malinje.

Demokratët duhet të shkojnë të bashkuar në këto zgjedhje, në qoftë se disa do duan të rrinë mbi strehën e LSI që solli Ramën në pushtet, ka lirinë e vet ta bëjë këtë.

U binda dhe pranova të kandidoj për kreun e bashkisë së Korçës, duke punuar fort, për bashkësinë korçare.

Do kandidoj sepse teksa sjellë në jetë fëmijën e një nënë, Filo dhe Peleshi e detyrojnë të ikë nga nëna dhe atdheu. Në këtë qytet ka vdekur e ardhmja. Kjo bashki sot është me qytetarë të plakur.

Korça është e mençur por e heshtur. Të urtë. Ne do i bindim të na mbështesim, ta shendrojme Korçën në qendre me të madhe turistike të juglindjes. Kërkoj mbështetjen tuaj. Dua të drejtoj me tjetër vizion. Përballë kam një kast miliarderësh”, theksoi mjeku, kandidat në zgjedhjet lokale../ B.A. – CNA.al





Lajmet e fundit nga