web counter
LEXO PA REKLAMA!

SHKARKO APP

App Store
Google Play

E fundit!

x

“Kryeministër që bën vrasje me pagesë”/ Berisha ashpërson më tej tonet

22 Shkurt 2023, 13:51, Politikë CNA

“Kryeministër që bën vrasje me pagesë”/ Berisha

Pas mbledhjes me grupin parlamentar, kreu i PD-së, Sali Berisha, ka përsëritur akuzat ndaj kryeministrit Edi Rama në lidhje me McGonigal.

Sipas Berishës, McGonigal është në burg dhe krimi i tij është i shëmtuar, por për Shqipërinë, më i rëndë është krimi i Edi Ramës.

Ai ka thënë se Rama është kryeministër që paguan vrasës me pagesë kundër pluralizmit dhe opozitës së vendit të tij.

“Ky nuk është kryeministër, ky është krim-ministër.

Ky krim-ministër, për t’u fshehur pas gishtit, bllokon dhe paralizon parlamentin.

Veprimtaria e Rama-gate është vetëm maja e ajsbergut. E vërteta është se në thellësinë e saj, ka krime të shumëllojta.

Dorian Duçka, këshilltari personal privat i Edi Ramës, në emër të Edi Ramës, bashkë me mafiozin Agron Neza, që u paraqitej viktimave të veta si oficer i FBI-së, kalonin nga klubi në klub, nga restoranti në restorant, duke gjuajtur ku gjenin biznesmenë, për t’i terrorizuar se jeni në lista dhe se duhet të merremi bashkë tani, për të zgjidhur problemet. Përndryshe, blacklistimi është i sigurt për ju.

Kjo veprimtari, të dashur miq, datën e fundit të saj që di unë, është 20 maj e vitit 2022.

Po kjo nuk do të thotë se pas majit nuk ka vazhduar ky gjah i turpshëm mafioz. Kjo është një ngjarje që nuk mund të kapërcehet kurrë.

Studentët e Ekuadorit u derdhën në rrugë, vetëm se një ministër i tyre doli i lidhur me dy mafiozë shqiptarë dhe kërkojnë rrëzimin e qeverisë.

A mundet ne të pranojmë që nuk bëhet fjalë për dy mafiozë dosido, por për një krim-ministër që porosit asgjësimin e opozitës te vrasës me pagesë”, ka thënë Berisha./CNA.al





Lajmet e fundit nga