E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Dikur i lëpihej LSI-së dhe Metës, sot bën sikur është kundër/ Ja çfarë deklaronte Çollaku tre vite më parë

21 Shkurt 2023, 20:39, Politikë CNA

Dikur i lëpihej LSI-së dhe Metës, sot bën sikur

Deputeti Kreshnik Çollaku

Deputeti Kreshnik Çollaku sot ka dalë kundër Partisë së Lirisë, ose ndryshe LSI-së së vjetër dhe kundër Ilir Metës.

Çollaku ngre herë pas herë akuza dhe sulmon partinë e Metës, por kur Lulzim Basha ishte kryetar i PD-së dhe Meta ishte President, ai kishte qëndrime të tjera nga sot.

Asokohe LSI-ja drejtohej nga Monika Kryemadhi dhe deputeti i Bashës mbështeste koalicionin me PD-në.

“Sa i takon koalicionit për në zgjedhjet lokale, palët ende nuk janë ulur për të diskutuar. Por nëse më takon mua që të them këtë gjë, unë do ta mbështesja një koalicion me LSI-në të formalizuar edhe në institucione koalicioni apo forma të tjera bashkëpunimi”, shprehej Çollaku gjatë një dalje në media më 30 qershor të 2018-ës.

Por ai nuk ishte vetëm pro një koalicioni PD-LSI, gjithashtu mbante të njejtat qëndrime me Metën.

Dikur i lëpihej LSI-së dhe Metës, sot bën sikur

Në 27 korrik të 2018-ës, kur Meta kundërshtonte mazhorancën për prishjen e Teatrit Kombëtar, deputeti i Bashës lavdëronte ish-Presidentin se kishte refuzuar të dekretonte ligjin.

“Presidenti i Republikes sot refuzoi ligjin antikushtues për prishjen e Teatrit. Një ndër argumentat që argumenton janë “kompentencat e suprimuara të Këshillit Bashkiak Tiranë në administrimin e pronës publike”, shkrunte ai ndër të tjera në rrjete sociale.

Edhe më vonë, në 10 Janar të 2019-ës, Çollaku përgëzonte Metën se kishte refuzuar propozimin e kryeministrit Edi Rama për të bërë Gent Cakajn ministër të Jashtëm.

“Përshëndes refuzimin që Presidenti i Republikës i beri kandidaturës se Gent Cakaj si Ministër i Jashtëm”, deklaronte deputeti.

Këto nuk janë të vetmet qëndrime pro kreut të sotëm të PL-së. Po ashtu, ai shpërndate në rrjete sociale edhe deklarata të Metës.

Dikur i lëpihej LSI-së dhe Metës, sot bën sikur

“Ilir Meta: Implikimin e Ramës për projektin e ndarjes së Kosovës e kam të dokumentuar me materiale në nivel të sekretit shtetëror”, shkruan Çollaku në 11 shkurt të 2021-shit.

Këto janë vetëm disa deklarat publike që ai ka bërë, megjithëse ka fshirë shumë nga statuset e tij në Facebook, ku i lëpihej LSI-së dhe Metës, por tani Çollaku bën sikur është kundër./ CNA.al