web counter
LEXO PA REKLAMA!

SHKARKO APP

App Store
Google Play

E fundit!

x

Gazetari: Gjykata e Lartë tregoi se cilësia e lartë e hetimeve për Veliajn ishte e paprecedentë

8 Korrik 2025, 17:53, Aktualitet CNA

Gazetari: Gjykata e Lartë tregoi se cilësia e lartë e hetimeve

Në një dalje mediatike për gazetarin Ervin Paruca në Syri TV, gazetari investigativ Elvi Fundo ka komentuar vendimin e GJykatës të Lartë dhënë sot për kryebashkiakun e Tiranës Erion Veliaj.

Sipas tij, "Gjykata e Lartë tregoi se cilësia e lartë e hetimeve ishte e paprecedentë. Akuzat janë 13 dhe duhet të kemi standarde më të mira të drejtësisë, sa më shpejt këto akuza të çohen në gjykatë që të mos ketë pretendime mediatike apo nga studio ligjore.

Prokurorët këto dosje duhet t’i çojë sa më shpejt e t’ia çojë akuzat në GJKKO, dhe rrugës mund të hetojnë e të hapin fashikuj të tjerë. Kolegët e Dumanit, Dritan Prençi të mos flejë mbi dosjet e incineratorëve, letrat e faktet për incineratorin e Tiranës, është në prag katastrofe, fatmirësisht s’u kapsulua plotësisht. Me temperaturat e larta të lusim Zotin të bjerë shi e të mos bjerë zjarr, se do ishte katastrofike.

Veliaj ka përdorur strategji të ndryshme, anatemoi prokurorin Ols Dadon, gjyqtarin Erjon Bani dhe Engert Pëllumbi. Vendimi i GJL është një certifikim i vendimeve të shkallëve të tjera.

Me vendimin e GJL, sot kemi drejtësi edhe për Ardit Gjoklajn, incineratorët, sheshet e trotuaret e zëna në Tiranë. Është një vendim i drejtësisë që duhet të kishte ardhur më parë. Ata që thonë se janë ndjekur standarde të njëjta me Metën dhe Berishën, i kanë vetëm propagandë", theksoi Fundo.





Lajmet e fundit nga