LEXO PA REKLAMA!

SHKARKO APP

E fundit!

x

Foto - Rama në Gjermani/ Takon kryeministrin grek Mitsotakis

17 Shkurt 2023, 18:47, Politikë CNA

Foto - Rama në Gjermani/ Takon kryeministrin grek Mitsotakis

Kryeministri Edi Rama ndodhet për një vizitë zytrtare në Mynih të Gjermanisë, ku mësohet se ka takuar kryeministrin e Greqisë, Kyriakos Mitsotakis.

Gjithashtu, kreu i qeverisë ka takuar edhe deputetin e Bundestagut, Johann Wadephul, ish-kancelarin austriak, Sebastian Kurz dhe dy të dërguarit e ndërkombëtarëve për konfliktet Miroslav Lajcak e Christian Schmidt.

Lajmin e ka bërë të ditur vetë kreu i qeverisë me anë të një statusi në rrjetet sociale, ku ka publikuar foto nga takimi.

“Me kryeministrin e Greqisë, Kyriakos Mitsotakis, deputetin e Bundestagut dhe mikun e Shqipërisë, Johann Wadephul, të dërguarin special të BE për dialogun Kosovë - Serbi, Miroslav Lajcak, të dërguarin special në Bosnje-Hercegovinë, Christian Schmidt dhe ish-kancelarin austriak, Sebastian Kurz”, shkruan Rama.

Kujtojmë se kryeministri ndodhet në Gjermani për konferencën e sivjetshme të Sigurisë në Mynih / CNA.al

Lajmet e fundit nga