E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Zyrtarizuan koalicionin/ Astrit Patozi dhe Dashamir Shehi zbulojnë arsyet e vendimit

17 Shkurt 2023, 11:37, Politikë CNA

Zyrtarizuan koalicionin/ Astrit Patozi dhe Dashamir Shehi zbulojnë arsyet e

Kreu i Bindjes Demokratike, Astrit Patozi, dhe kryetari i LZHK-së, Dashamir Shehi, zyrtarizuan sot marrëveshjen për garimin e përbashkët në zgjedhjet e 14 majit. Krerët e dy partive paralajmëruan se nëse opozita del me 2, 3 apo më shumë kandidatë, grupimi i tyre do të nxjerrë kandidatin e tyre.

Dashamir Shehu theksoi se nuk do të pranojnë më marrëveshjen e vitit 2008, pasi sipas tij ka ardhur dita që Shqipëria të qeveriset ndryshe.

“Ne jemi të hapur për parti të reja. Besojmë se do jetë fillimi i një lëvizjeje që do të vijë duke u zgjeruar. Njerëzit kanë të drejtë që të mendojnë ndryshe dhe mbase këtu do të shohin një shpresë dhe një frymë tjetër. Nëse PD do të vendosë 2 apo 3 kandidatë, dëshira jonë është që të dilet me një kandidat. Ne jemi munduar që të gjejmë një formulë bashkëpunimi. Dëshira është që të largojmë Edi Ramën dhe të kemi një kandidat përballë kandidatit socialist. Ne s’kemi një pikë përfundimtare. Ne nuk mund të pranojmë që dy njerëz të drejtojnë Shqipërinë. Nuk pranojmë më marrëveshjen e 2008-ës mes Berishës dhe Ramës. Ka ardhur dita që Shqipëria të qeveriset ndryshe. Nëse ata nuk bashkohen, ne do kemi kandidatët tanë. Në nuk hyjmë në fushatë të dëmtojmë njeri. Jemi në atë pikë që nëse opozita dërgon 2 ose 3 ne do futemi në garë”, tha Dashamir Shehu.

Nga ana tjetër, kryetari i Bindjes Demokratike, Astrit Patozi, theksoi se nuk ka pse të ndjekë një linjë që nuk është e tyre, duke shtuar se ajo që mund t’i bashkojë është kandidati i përbashkët.

Ndërsa kreu i Bindjes Demokratike, Astrit Patozi, u shpreh se derisa ka dy fraksione të PD-së, koalicioni do të dalë me përfaqësuesit e tyre.

“Përderisa ka dy pjesë të PD-së, ne si fraksion opozitar do të kemi përfaqësuesit tanë. Nëse ata do të përçajnë votën opozitare ne do të kandidojmë. Ajo që mund të na bashkojë është kandidati i përbashkët. S’kemi pse të ndjekim një linjë që nuk është jona dhe nuk e besojmë. Shehi e tha shumë mirë. Ne na ndan me Berishën vizioni politik”, u shpreh Astrit Patozi./CNA.al