web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta, si avokat i Shehajt/ E merr në mbrojtje për aksionin e policisë në biznesin e deputetit

17 Shkurt 2023, 16:16, Politikë CNA

Ilir Meta, si avokat i Shehajt/ E merr në mbrojtje për aksionin e

CNA.al raportoi ditën e djeshme se policia i kishte vënë shiritin dhe më pas ia kishte hequr biznesit të deputetit të PD-së, Agron Shehaj.

Lidhur me këtë lajm ka reaguar ditën e sotme kreu i PL-së, Ilir Meta, i cili ka bërë avokatinë e Shehajt.

Me anë të një statusi në rrjetet sociale, Meta ngre akuzat se bllokimi i biznesit të deputetit është sulm politik dhe terror policesk i kryeministrit Edi Rama.

“Sulmet politike dhe terrori policesk i Edi Ramës kundër bizneseve të ndershme, të identifikuara nga patronazhistët si mbështetëse të opozitës janë një tjetër dëshmi e arbitraritetit dhe paligjshmërisë të bandës së 'Rilindjes'.

Ndërkohë që shpall ministrat e tij si 'investitorë strategjikë' dhe u fal gjobat e taksat e shqiptarëve oligarkëve dhe klientëve të tij, për herë të katërt, pa asnjë urdhër dhe pa vendim gjykate, falangat e Policisë së 'Rilindjes' terrorizojnë bizneset e deputetit të PD, Agron Shehaj me qëllim për të intimiduar dhe shantazhuar një zë kurajoz të opozitës.

Duke dënuar me forcë këtë sjellje arbitrare të përsëritur, i bëjmë thirrje Edi Ramës të heqë dorë urgjentisht nga sulmet e paligjshme ndaj bizneseve të ndershme.

Të vendosur në betejën për mbrojtjen e interesit qytetar, të bizneseve të ndershme dhe shporrjen me çdo çmim të këtij regjimi mafioz!”, shkruan ai./ CNA.al





Lajmet e fundit nga