web counter
LEXO PA REKLAMA!

SHKARKO APP

App Store
Google Play

E fundit!

x

Çështja "Balluku"/ Rama: Do të ndërhyjmë në legjislacion, s'ka urgjencë për imunitetin

9 Shkurt 2026, 11:53, Politikë CNA

Çështja "Balluku"/ Rama: Do të ndërhyjmë

Kryeministri Edi Rama ka reaguar në platformën "X" pas mbledhjes së Grupit Parlamentar socialist.

Me anë të një postimi në platformën "X", Rama shkruan se nga mbledhja u arritën 3 konkluzione.

Me të tjerave, Rama shkruan se nisur nga deklarata e Kushtetueses, grupi parlamentar i PS do të kërkojë zgjidhjen përmes ndërhyrjes në legjislacion.

Rama shkruan se nuk ka asnjë urgjencë për trajtimin e kërkesës së SPAK-ut për Ballukun.

Në reagimin e tij, Rama shkruan se funksionet e padelegueshme kushtetuese të ministrave nuk mund të pezullohen nga askush duke u nisur nga një emër i vetëm, pasi paralizon institucionin.

 

Reagimi i Ramës

 

3 konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga :

1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër përveçëm, sepse pezullimi paralizon funksionin, pra institucionin që ai/ajo drejton.

2. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion.

3. E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit.

Një shtesë nga ana ime:

SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen.

 





Lajmet e fundit nga