web counter
LEXO PA REKLAMA!

SHKARKO APP

App Store
Google Play

E fundit!

x

“10 shkurti po afron”/ Noka: Rrëzimi i narkoregjimit do e shpëtojë vendin nga katandisja në një mikroshtet

8 Shkurt 2026, 11:44, Politikë CNA

“10 shkurti po afron”/ Noka: Rrëzimi i narkoregjimit do e

Sekretari i Përgjithshëm i Partisë Demokratike, Flamur Noka ka bërë thirrje për pjesëmarrje masive në protestën e paralajmëruar më 10 shkurt përpara Kryeministrisë, duke e cilësuar atë si një moment vendimtar për të ardhmen e vendit.

Në deklaratën e tij, Noka u shpreh se rrëzimi i asaj që ai e quan “narkoregjim” është i domosdoshëm për të shpëtuar Shqipërinë nga shpopullimi dhe nga rreziku i shndërrimit në një mikroshtet.

Sipas tij, vendi është i bekuar me pasuri natyrore dhe duhet të jetë “parajsa e shqiptarëve” dhe jo një vendstrehim për krimin e organizuar.

Ai theksoi gjithashtu se protesta synon t’i dërgojë një mesazh të qartë Bashkimit Europian, duke deklaruar se shoqëria shqiptare nuk pranon antivlerat, politikat që cenojnë familjen, si dhe ndikimin e asaj që ai e cilësoi si mafia e ndërtimit dhe e pastrimit të parave.

“10 shkurti po afron. Rrëzimi i narkoregjimit do e shpëtojë vendin tonë nga shpopullimi total, nga katandisja në një mikroshtet. Shqipëria është bekuar me pasuri natyrore për të qenë parajsa e shqiptarëve dhe jo vendstrehimi i krimit të organizuar. Përpara kryeministrisë, t'i tregojmë mbarë botës se shqiptarët nuk i përulen regjimeve të inkriminuara, se pushtetin ta jep vetëm vota e lirë dhe vullneti i popullit sovran, e jo paratë e pista të drogës! Përpara kryeministrisë, për t'i treguar Bashkimit Europian se shoqëria shqiptare nuk i përulet antivlerave, politikave të antifamiljes dhe mafias së ndërtimit e të pastrimit të parave që sponsorizojnë Edi Ramën!”, shkruan Noka.

Protesta e 10 shkurtit pritet të zhvillohet përpara Kryeministrisë dhe është paralajmëruar nga opozita si një aksion qytetar kundër qeverisë dhe kryeministrit Edi Rama./ CNA





Lajmet e fundit nga