E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Dogjanin e përjashtuan të tijtë

23 Qershor 2025, 18:19, Politikë CNA

Sot u raportua për një sherr të ndodhur në mjediset e Pallatit të Sportit "Farije Hoti" ku Asllan Dogjani ka dalë nga kontrolli duke iu drejtuar me ofendime dhe kërcënime anëtarëve të KAS dhe numëruesve.

Pas kësaj ngjarje, Komisioni i Ankimeve dhe Sanskioneve ka marrë vendimin e prerë për t’i ndaluar Asllan Dogjanit qëndrimin në ambientet e Pallatit të Sporteve “Farije Hoti” ku po rinumërohen votat për qarkun e Tiranës.

Kush e përdori Dogjanin në sherrin e stisur me KAS-in?
23 Qershor, 13:42

KAS ka kërkuar ndihmën e policisë për ta larguar Dogjanin nga ambientet e Pallatit të Sportit duke konstatuar se ka shkelur në mënyrë të përsëritur rregullat e vëzhgimit të procesit duke intimiduar numëruesit dhe duke kërcënuar dhe ofenduar anëtarët e KAS-it.

“Sot më datë 23.06.2025, ora 12:55, KAS-i vendosi të kërkojë ndihmën e policisë në mjediset e pallatit të Sportit "Farie Hoti", për të larguar nga mjediset ku zhvillohet numërimi i votave shtetasin Asllan Dogjani, i cili në mënyrë të përsëritur ka shkelur rregullat e vëzhgimit të procesit duke intimiduar numëruesit dhe duke kërcënuar dhe ofenduar anëtarët e KAS-it.

Pavarësisht thirrjeve të vazhdueshme për të ruajtur qetësinë dhe për të respektuar rregullat z. Dogjani ka vazhduar me sjelljen e papranueshme, për këto arsye KAS-i.

Vendosi:

T'i ndalojë Z. Asllan Dogjani, qëndrimin e tij në ambjentet e pallatit të sportit dhe t'i kërkojë policisë që të marrë masa për largimin e tij, gjegjësisht të mos lejojë futjen e tij ne mjediset ku zhvillohet numërimi”, thuhet në vendim.

Vendimi i KAS për Asllan Dogjanin

Vendimi është marrë në mënyrë unanime 5-0 nga anëtarët e KAS të përbërë nga përfaqësues të PD-së dhe PS-së si dhe nga relatori i çështjes Ledio Braho.

Vendimi i KAS për Asllan Dogjanin

Pra, në unison KAS dhe përfaqësuesit e PD-së përjashtuan Dogjanin nga ambientet ku rinumëroheshin votat pasi e panë të gjithë budallallëkun që bëri duke shkelur rregullat, duke penguar procesin dhe më e rënda duke intimiduar dhe kërcënuar anëtarët e Komisionit të Ankimeve dhe Sanksioneve dhe numëruesit.

Në përfundim, Dogjanin e përjashtuan të tijtë, pasi përfaqësues të PD në KAS, si Elvis Çefa dhe relatori i çështjes Ledio Braho dhe anëtarët e tjerë panë e dëgjuan britmat e tij dhe kërcënimet në mënyrë të paprecedentë./ CNA