web counter
LEXO PA REKLAMA!

SHKARKO APP

App Store
Google Play

E fundit!

x

Raporti i zgjedhjeve të 11 majit diskutohet në KiE/ Berisha: Vokshi paraqiti video shokuese

23 Qershor 2025, 13:01, Politikë CNA

Raporti i zgjedhjeve të 11 majit diskutohet në KiE/ Berisha: Vokshi

Kryetari i Partisë Demokratike, Sali Berisha, ka zhvilluar ditën e sotme një konferencë për mediat, gjatë së cilës është ndalur tek asambleja e sotme e Këshillit të Europës.

Berisha tha se e pranishme në asamble, Albana Vokshi, paraqiti një video që tregon se zgjedhjet në Shqipëri ishin një farsë.

Më tej Berisha tha se zgjedhjet e 11 majit nuk ishin sipas standardeve europiane të përcaktuara.

Sa i përket raportit për zgjedhjet nga europianët, Berisha tha se do ta komentojë pasi të miratohet në asamblenë e KiE-së.

“Sot në KiE do të paraqitet nga kryetari i delegacionit të KiE-së, raporti i parlamentarëve europianë.

Ky raport është diskutuar sot në grupet parlamentare dhe do të diskutohet në seancën plenare të kësaj asambleje për të marrë formën përfundimtare. Vokshi, e pranishme në grupin parlamentar të Partisë Popullore, paraqiti një video shokuese për audiencën, e cila tregoi se pse zgjedhjet në Shqipëri ishin një farsë e tipit të Zimbabve e 30 viteve më parë. Pamjet e paraqitura janë shokuese për audiencën. Zgjedhjet s’kanë të bëjnë fare me standardet europiane, siç konstaton delegacioni. Komentet do t’i bëj pasi raporti të miratohet në asamblenë parlamentare”, tha Berisha./ CNA





Lajmet e fundit nga