Ditmir Bushati: IBAR mund të miratojë që Shqipëria të futet në rrugën e përmbylljes së bisedimeve për anëtarësim

28 Prill 2026, 20:06, Politikë CNA

Ditmir Bushati: IBAR mund të miratojë që Shqipëria të

Ish-ministri i Jashtëm, Ditmir Bushati ishte i pranishëm në një takim në Ljubjanë të Sllovenisë me ftesë të ish-presidentit Borut Pahor, me fokus në çështjet e Ballkanit Perëndimor.

Përmes një video-postimi në rrjetet sociale, Bushati u ndal te zhvillimet e fundit në rajon, që i japin Malit të Zi një avancim më tej drejt anëtarësimit në BE.

Bushati theksoi se në vijim, pritet që IBAR të miratojë të njëjtin vendim edhe për Shqipërinë, duke e futur kështu në rrugën e përmbylljes së bisedimeve për anëtarësim në Bashkimin Europian.

Mesazhi i plotë:

Si sot 17 vjet më parë Shqipëria paraqiti kërkesën për anëtarësim në Bashkimin Europian. 17 vjet më pas unë ndodhen në Slloveni me ftesë të presidentit Pahor, në kuadër të grupit të miqve të Ballkanit Perëndimor për të diskutuar me kolegë nga vendet e rajonit, dhe me përfaqësues të qeverive të vendeve anëtare kyçe të Bashkimit Europian në lidhje me rrugën tonë drejt BE.

Tani procesi i zgjerimit në BE, po shihet si pjesë e konsolidimit të projektit europian dhe pozicionimit dhe rolit të Europës në arenën ndërkombëtare krahas aktorëve të tjerë me peshë globale. Në këtë kontekst nevoja për linzim gjeopolitik dhe për reforma të vërteta të thelluara në fushën e sundimit të ë drejtës është më e madhe se kurrë. Lajmi më i mirë nga rajoni, është ai për Malin e Zi, vendimi i vendeve anëtare për të filluar projektimin e traktatit të aderimit të Malit të Zi në BE, çka dërgon një mesazh të qartë politik në rajon se vendet e BE janë të gatshme për ta mikpritur Malin e Zi si vendin e 28 i BE-së.

Për Shqipërinë diskutimet për IBAR, për raportin e piketave të ndërmjetme në fushën e sundimit të së drejtës po vazhdojnë. Ende nuk është arritur masa kritike e mbështetjes nga vendet anëtare, mesa duket një pjesë e tyre nuk e kanë thënë vendimin përfundimtar dhe presin prova të pakundërshtueshme të vullnetit tonë politik në luftën kundër krimit të organizuar dhe korrupsionit.

Uroj shumë që ditët dhe javët në vijim, IBAR të miratohet dhe Shqipëria të futet gjithashtu me Malin e Zi në rrugën e përmbylljes së bisedimeve për anëtarësim. Uroj shumë që e gjithë klasa politike shqiptare duke nisur nga qeveria ta ketë lexuar drejt këtë kontekst të ri gjeopolitik dhe këtë dashamirësi të vendeve të Bashkimit Europian dhe të jemi në lartësinë që na thërret historia duke mos e shpenzuar këtë moment të rëndësishëm historik./CNA