web counter
LEXO PA REKLAMA!

SHKARKO APP

App Store
Google Play

"PS-ja ka investuar tek ne, jo ne tek PS-ja"/ Braçe komenton përplasjet e Ramës me Spiropalin

28 Prill 2026, 19:19, Politikë CNA

"PS-ja ka investuar tek ne, jo ne tek PS-ja"/ Braçe komenton

Socialisti Erion Braçe, i ftuar në emisionin “Shqipëria Live” ka folur edhe për përplasjet brenda PS-së me Elisa Spiropalin.

Deputeti socialist, dikur edhe zëvendëskryeministër, theksoi se brenda Partisë Socialiste ka persona që kanë marrë pozicione që nuk i meritojnë.

“PS ja ka investuar tek ne jo ne tek PS-ja”, tha Braçe duke dashur të mbyllë çdo sqarim në lidhje me qëndrimet e kryeministrit Edi Rama dhe përplasjen e nxitur nga deputetja Elisa Spiropali pas shkarkimit si ministre e jashtme.

Braçe, në një intervistë në Top-Channel, ka sqaruar se “Unë flas për veten, nuk preferoj të flas për emra. Unë mendova që gjëja nuk po i thuhej vetëm zonjës Spiropali, por edhe mua ose të tjerëve në sallë. Unë vazhdoj të jem deficitar në PS. Në PS ka shumë njerëz që nuk e kanë pasur mundësinë që unë kam pasur. Janë socialistë të thjeshtë, në etapa të ndryshme, por edhe ata kanë pritur nga PS dhe nuk kanë marrë atë që meritonin”.

Deputeti socialist nuk ka nguruar dhe të theksojë se PS ka probleme dhe disa qëndrime të Spiropalit janë të drejta.

“Zonja Spiropali ka ngritur disa shqetësime që edhe qëndrojnë, edhe për mua qëndrojnë edhe për të tjerë aty, edhe për kryeministrin qëndrojnë. Në momentin që themi që duhet të rienergjizojmë PS, që duhet ta hapim PS, duhet ta bëjmë më demokratike, praktikisht kemi pranuar një seri problemesh që duhen kuruar”, theksoi Braçe në një intervistë për Top-Channel.





Lajmet e fundit nga