web counter
LEXO PA REKLAMA!

SHKARKO APP

App Store
Google Play

“Diaspora nuk na sheh me sytë e kënetës”/ Rama: Kemi fluks demokratësh që bashkohen me PS-në

4 Maj 2025, 17:59, Politikë CNA

“Diaspora nuk na sheh me sytë e kënetës”/ Rama: Kemi

Kryeministri Edi Rama zhvilloi sot takimin zgjedhor përmbyllës në Lezhë. Në fjalën e tij, Rama u ndal te vota për zgjedhjet e 11 majit.

Rama e nisi fjalën e tij duke lexuar mesazhin e një qytetari që jeton jashtë, që sipas Ramës është demokrat, por ka një vlerësim për PS-në e prandaj do të ndryshojë kah.

Rama tha se ka një flusk demokratësh nga diaspora që do të bashkohen me PS-në më 11 maj.

Rama u shpreh se diaspora nuk e sheh vendin me sytë e opozitës.

“Kategoria e një fluski demokratësh nga diaspora që do të na bashkohen më 11 maj sepse atje nuk e  shohin Shqipërinë me sytë e kënetës. Atje e shohin me sytë e Europës. Atje nuk e shohin si kryeneç kënete. Këtu, mbledhur në ato turmat mbas bufit. Atje e shohin Shqipërinë me sytë e shqiptarëve që deri dje ulnin kokën kur i thonin se nga janë, kurse sot ta kthejnë drejtpërdrejtë se janë nga Shqipëria. Prandaj unë jam shumë besimplotë më 11 maj”,-tha Rama.

Rama ndau edhe një mesazh për votuesit nga jashtë që janë regjistruar për të votuar, që të kthejnë zarfet me vota në Shqipëri.

“Dhe meqë ra fjala dua tu bëj një thirrje të gjithë atyre që kanë marrë mundimin dhe janë regjistruar, që tani, zarfat që iu shkojnë nëpër shtëpi ose atje ku ka pasur probleme me shpërndarjen, t’i marrin, të vejn votën te numri 5 dhe t’i kthejmë mbrapa. Është gjynah që janë regjistruar dhe t’iu mbetet zarfi në shtëpi pa kontribuar në këtë histori”,-tha Rama./CNA

 

 





Lajmet e fundit nga