E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Deputeti i 362 votave, i trimërohet Ramës/ Jep leksione si të ndalohet ikja e mjekëve

7 Mars 2023, 16:58, Politikë CNA

Deputeti i 362 votave, i trimërohet Ramës/ Jep leksione si

Deputeti i 362 votave, Petrit Vasili

Deputeti i 362 votave, Petrit Vasili, ka reaguar për deklaratat e kryeministrit Edi Rama për studentët e mjekësisë, gjatë takimit me kancelarin gjerman, Olaf Scholz.

Me anë të një statusi në rrjetet sociale, Vasili i ka dhënë leksione kryeministrit se si të ndalojë ikjen e mjekëve nga vendi.

Ai deklaron se mjekët nuk ikin nëse do të rriten rrogat dhe nëse qeveria nuk do të vjedhë taksat e tyre.

Statusi i plotë:

Shkollëpak mos vidh më dhe rrit rrogat, se vetëm kështu nuk ikin mjekët!

Ka disa javë që thotë se mjekët që të formohen në universitet paguajnë vetëm 1/16 e asaj që paguan shteti dhe për këtë arsye duhet të mbahen rob dhe të mos lëvizin nga vendi.

Largimi i mjekëve / Rama-Scholz: Ne humbasim, nuk mund të financojmë për shëndetësinë gjermane
7 Mars, 13:12

Rama si dishepull i shkollëpakësisë dhe antishkencës ngado që shkon shpraz injorancën e tij proverbiale.

Këtë idiotësi shprazi edhe në Gjermani sot.

Është e qartë që ndonjë "shejtan budalla", që tallet me të, ja ka futur në mendjen e varfër këtij Ramës këtë gomarllëkun e 1/16 dhe ky e broçkullit ngado që shkon, si një gjetje të madhe.

Çdo njeri që i ka kryer si duhet 8 klasë shkollë e ka shumë të lehtë përgjigjen për këtë budallëkun e Ramës.

Këto 15/16 që paguhen nga dalin?

Mos dalin nga xhepi i Ramës?

Po jo mo jo. Janë taksat, që paguajnë shqiptarët për të pasur universitete, shkolla, spitale dhe plot shërbime te tjera.

Pra o shkollëpak, nuk i paguan ti 15/16, por i paguajnë vete shqiptarët për shkollimin e tyre.

Ndaj anë e mbanë Europës Universitetet shtetërore financohen nga shteti dhe studentët paguajnë shifra simbolike ose edhe nuk paguajnë fare.

Ndaj shkollëpak mos grabit më miliarda euro me inceneratorë, koncesione e tendera, etj., etj., rrit rrogat e mjekëve, financo kërkimin shkencor, pedagogët dhe ndihmo studentët e lëri këto budallëqe, që ngjajnë me diktaturat idiote.

Shkollëpak sot në këtë 7 mars gjete të thuash këto budallëqe në mes të Gjermanisë.

Shkollëpak mos vidh më dhe financo universitetet e rrogat e mjekëve se vetëm kështu nuk ikin mjekët, se nuk zgidhen me izolime prej budallai këto punë në kohën e pluralizmit dhe demokracisë.

Ehu gjeta dhe unë kujt ti flas, po kupton ky nga arsyeja dhe logjika me trurin e tij të atrofizuar./ CNA.al