web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi ndaj “Babales”, një turp për Reformën në Drejtësi

7 Mars 2023, 12:11, Politikë CNA

Gjyqi ndaj “Babales”, një turp për Reformën në

Sot u zhvillua e disata seancë e radhës në Gjykatën e Apelit ndaj Ervin Salianjit, i dënuar nga Gjykata e Shkallës së Parë për “Kallëzim të rremë” dhe “Shpifje”.

Salianji është dënuar me një vit burg, por në Apel nuk zhvillohet gjyqi. Një herë nuk shkojnë avokatët e Salianjit, të cilët shfaqen pas disa muajsh, tani nuk shkon avokati i Geron Xhafajt.

Gjyqi ndaj “Babales”, një turp për Reformën në

Çështja “Babale” është një nga ato çështje me ndjeshmëri të lartë për opinionin publik dhe politikën në Shqipëri.

Në rast se Ervin Salianji ka qenë shpifës dhe ka bërë kallëzim të rremë ai duhet të marrë dënimin sipas ligjit dhe këtë nuk mund ta çojë gjykata pafundësisht në proces të zgjatur gjyqësor apo duke lejuar avokatët të luajnë dhe të kenë teknikalitete, të cilat zgjatin procedurat pafund pa vënë drejtësi.

Në rast se Ervini ka qenë gënjeshtar, të dënohet.

Gjyqi ndaj “Babales”, një turp për Reformën në

Nga ana tjetër, e njëjta gjë vlen për Geron Xhafajn dhe avokatin e tij Ardian Visha, i cili sot nuk ka qenë i pranishëm në gjyq. Në rast se klienti i tij ka gabuar apo ka gënjyer apo ato që ka thënë Ervini kanë qenë të vërteta, të marrë përgjegjësi dhe Ervini të marrë kredon e duhur politike që i takon.

Gjyqi ndaj “Babales”, një turp për Reformën në

Por nuk mundet kurrsesi të zgjatë pafundësisht, nuk mundet kurrsesi të kthehet në një telenovelë të gjatë turke, në një telenovelë të gjatë orientale thjesht dhe vetëm për një arsye.

Një ministër është larguar për këtë skandal. Opozita ka ngritur akuza ndaj ish-ministrit.

Ervin Salianji ishte trumbetuesi dhe fituesi i kauzës, po bën karrierë politike, po mban poste. Tentoi të bëhej kreu i grupit parlamentar. E quan kontribut politik. Ndërsa gjykata, fle gjumë. Nuk jep vendim. Përdor procedura dhe nuk ka dënim as për Salianjin, nuk ka dënim as për palën tjetër.

Nuk mund të ndodhë që përplasim brirët në Shqipëri, ka protesta, ka kauzë, largime ministrash, shantazh politik dhe të gjithë jetojmë të qetë, hajde se kalon se, politikë ishte.

Gjyqi ndaj “Babales”, një turp për Reformën në

Kjo nuk mund të ndodhë. Drejtësia nuk mund të funksionojë kështu. Çështja “Babale” është një nga skandalet, një nga dështimet më të mëdha të kësaj reforme.

Nuk mund të vazhdojë pafundësisht një gjyq për një çështje të tillë me aq shumë ndjeshmëri publike.

Është apo jo “Babalja”, është apo jo Ervin Salianji, vëllai i ministrit apo kushdo tjetër.

Çfarë ndodh vallë me qytetarët e thjeshtë?

Sa shpejt u mbaron çështja, sa shpejt dënohen?

Pse? Sepse ka avokatë të përgjegjshëm që ndjekin procedurat.

Sa shpejt dalin të pafajshëm, pse, sepse ka dhe gjyqtarë të ndershëm dhe të drejtë që vazhdojnë dhe u shkojnë çështjeve deri në fund.

Si mund të lejohet?

Pas një reforme që ka kushtuar qindra miliona euro. Të tallen me shqiptarët duke mos marrë një vendim në lidhje me një gjykim të kryer në një shkallë më të ulët dhe me një vendim të zbardhur nga ajo.

Sot mungon avokati i viktimës dhe jo avokati i akuzuesit, që tregon se ka një pazar të pistë politik nën hije në lidhje me këtë çështje, të cilat mesa duken duan ta zgjasin pafundësisht thjesht për t’iu afruar kohës së një amnistie të mundshme dhe që Salianji të shpëtojë pa u lagur ashtu siç ka shpëtuar çdo politikan në shumicën e rasteve të tilla në Shqipëri./CNA.al





Lajmet e fundit nga