web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ballës/ Vokshi: Shënjestrimi politik, po tentojnë të godasin opozitën

6 Mars 2026, 11:47, Politikë CNA

Deklaratat e Ballës/ Vokshi: Shënjestrimi politik, po tentojnë

Deputetja e Partisë Demokratike, Albana Vokshi, në mbledhjen e Komisionit për Europën dhe Punët e Jashtme ka reaguar në lidhje me situatën e djeshme në Parlament dhe deklaratat e Taulant Ballës.

Vokshi tha se nuk ndihet e fyer pasi njerëz si Balla e turpërojnë Parlamentin, por tha se është ndier e lënduar nga mënyra se si kjo situatë u menaxhua në Kuvend.

Më tej, deputetja demokrate u shpreh se gjuha e përdorur nga kreu i grupit socialist u menaxhua në mënyrë të turpshme nga deputetet e mazhorancës.

Vokshi tha se shënjestrimi ndaj saj nuk ishte i rastësishëm, por ishte politik, pasi tentojnë të godasin këdo që ngre zërin.

 

“Falënderoj kolegët që u bashkuan në një mendim që dhuna psikologjike institucionale nuk ka vend në Parlament. Nuk jam ndier e fyer nga ajo që u tha dje, sepse njerëz me veprime si të tijat e turpërojnë Parlamentin. Por jam ndier e lënduar për mënyrën se si kryetari i Kuvendit e menaxhoi situatën. E menaxhoi në mënyrë të turpshme dhe nga ana e grave deputete të PS-së për gjuhën seksiste që u përdor nga kryetari i grupit tuaj parlamentar.

Nuk di se cila prej çështjeve që fola unë e preku kryetarin e grupit tuaj. Unë kam bindjen se shënjestrimi ishte politik, nuk ishte i rastësishëm. Po tentojnë të godasin opozitën dhe gratë deputete të opozitës. Këdo që ngre zërin. E kam vuajtur në lëkurë edhe fyerjen e Edi Ramës. Partia juaj ka pushkatuar gratë. Unë nuk pres ndjesë, të mos tallemi… ndjesë mashtrim që as unë, asnjë nga ne, nuk e hamë dot. Të kalojmë te dhuna që ushtron partia juaj ndaj grave. Më kanë kërcënuar dhe shantazhuar. Më kanë kërcënuar mua dhe vajzën time. Më kanë përjashtuar 3 muaj duke më hequr të drejtën e fjalës”, tha Vokshi./CNA





Lajmet e fundit nga