web counter
LEXO PA REKLAMA!

SHKARKO APP

App Store
Google Play

E fundit!

x

Debate te "Shëndetësia"/ Shehu përplaset me Spahiun

9 Shtator 2024, 13:51, Politikë CNA
Debate te "Shëndetësia"/ Shehu përplaset me Spahiun
Komisioni i Shëndetësisë

Një debat është regjistruar në Komisionin e Shëndetësisë, në seancën dëgjimore me përfaqësues të Urdhrit të Mjekut.

Deputeti Tritan Shehu hodhi akuza ndaj socialistëve se po godasin institucionin e Urdhrit të Mjekëve.

“Merret guximi të goditet një institucion si Urdhri i Mjekut. Shteti po fut duart si hajdut, sepse ka frikë nga institucionet e pavarura. Po godasin edhe këtë. Pse? Sepse e ndiejnë se janë të pavarur, profesionistë dhe i kanë frikë”, u shpreh ai.

Shehu deklaroi se ndërhyrja te ligji i Urdhrit të Mjekut është një shkelje.

“Keni frikën të dilni hapur. Bëni ligje të tjera. Është antikushtetuese. Akti Normativ është antikushtetues dhe i paligjshëm. Aktet Normative janë të përkohshme, kurse ky është i përhershëm. Shkelje të rënda kushtetuese dhe e papranueshme.

E keni bërë si në kohën e Enver Hoxhës, shtetëzoni edhe qymezet. Po shkatërroni sistemin publik dhe kjo do t'i largojë mjekët, do të shtojë korrupsionin. Këtë s’e kanë bërë as Italia dhe as Franca”, tha deputeti.

Nga ana tjetër, nënkryetarja e komisionit, Klodiana Spahiu, u shpreh se nuk ka ndryshime thelbësore në aktin normativ që prekin Urdhrin e Mjekut. 

“Ndryshon vetëm struktura dhe kriteret e komisionit disiplinor, madje dhe këtë vetë Urdhri do ta hartojë. Nuk ka ndryshim të buxhetit apo pikave të tjera. Bëhet fjalë vetëm për një Komision masash”, tha ajo./ CNA





Lajmet e fundit nga