E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Berisha përkujton kryengritjen e Postribës/ “Sakrifica sublime nderohet me rrëzimin e Ramës”

9 Shtator 2024, 12:28, Politikë CNA

Berisha përkujton kryengritjen e Postribës/ “Sakrifica sublime

Sali Berisha, kryetar i opozitës, përkujtoi nëpërmjet një mesazhi në rrjetet sociale kryengritjen e Postribës, që shpërtheu 78 vite më parë, me qëllim çlirimin e Shkodrës, kryeqendrën e veriut, nga regjimi gjakatar komunist.

Berisha e lidhi këtë kryengritje të rreth tetë dekadave më parë me aktualitetin politik në vend.

Ai theksoi se “nderimi më i madh për sakrificën e tyre sublime e të pavdekshme është përmbysja sa më parë e narko-shtetit dhe diktaturës të bazuar në krimin, drogën dhe vjedhjen e Edi Ramës dhe bastardëve të tjerë të etërve barbarë që ushtruan gjenocid ndaj Postribës, Shkodrës dhe Kombit Shqiptar.”

Postimi i plotë:

“Sot 78-vjetori i Kryengritjes së Postribës!

Të dashur miq, sot Shkodra dhe mbarë kombi shqiptar nderon 78-vjetorin e kryengritjes së parë antikomuniste në Shqipëri dhe në Europë kryengritjes së Postribës.

Si sot 78 vite më parë natën e 9 shtatorit të vitit 1946, antikomunistët trima e guximtarë të Postribës të organizuar dhe udhëhequr nga tribuni i lirisë, Osman Haxhia, u ngritën me kurajo epike në kryengritjen e parë dhe më të fuqishme antikomuniste të kohës sulmuan forcat pushtuese komuniste. Qëllimi i kryengritëseve ishte çlirimi i Shkodrës, kryeqendrës së veriut të Shqipërisë nga pushtimi i egër terrori mizor që Hitleri shqiptar i pas luftës, Enver Hoxha po ushtronte në qytetin dhe qarkun e Shkodrës me hordhitë kriminale terroriste të drejtuara nga vrasësi serial Mehmet Shehu.

Në betejën e tyre për liri dhe dinjitet njerëzor kundër pushtimit të egër primitiv të etërve xhelat të pushtetarëve të sotëm ranë për t’u bërë të pavdekshëm në përleshjet me forcat terroriste, komuniste ose u ekzekutuan pa gjyqe apo u burgosën nga këto hordhi qindra luftëtarë lirie.

Duke u përulur sot me mirënjohjen më të thellë para veprës së ndritur dhe martirizimit të kryengritësve të Postribës, shpreh bindjen më të thellë se nderimi më i madh për sakrificën e tyre sublime e të pavdekshme është përmbysja sa më parë e narko-shtetit dhe diktaturës të bazuar në krimin, drogën dhe vjedhjen të Edi Ramës dhe bastardëve të tjerë të etërve barbarë që ushtruan genocid ndaj Postribës, Shkodrës dhe Kombit Shqiptar.

Nderim përjetë martirëve të kryengritjes së Postribës!/ CNA