web counter
LEXO PA REKLAMA!

SHKARKO APP

App Store
Google Play

E fundit!

x

Çfarë është propozimi i Ramës më shumë se një mandat në listat e hapura

8 Shtator 2024, 19:56, Politikë CNA
Çfarë është propozimi i Ramës më shumë se
Kryeministri Edi Rama në Asamblenë e PS

Kryeministri dhe Kryetari i Partisë Socialiste Edi Rama sot në asamblenë e kësaj partie, në mënyrë të papritur ka dalë me një propozim të ri.

Pas ndryshimeve në Kodin Zgjedhor një pjesë e listës të kandidatëve për deputetë është e hapur. Pra, nuk ka një kufi 10 mijë vota por ka një garë dhe sipas pretendimeve është hapur gati 70% e listës.

Në fakt, e vërteta është që shifra e hapjes së listës është shumë më e vogël sepse përllogaritjet i bëjnë gjithmonë me numrin e vendeve në parlament me 140 vende, nuk e bëjnë me mazhorancën e cila kalon nga 73-75, pra, rreth 50%, ndoshta diçka dhe më pak për shkak dhe të vendeve gjinore, që marrin zonjat në lista.

Por propozimi i Ramës ishte mjaft domethënës. Si lexohet ai?

Kryeministri Rama ka qenë i qartë. Vetëm disa nga sekretarët ekzekutivë të cilët do të kenë detyra specifike siç është rasti i Sekretarit të Përgjithshëm Blendi Klosi, Sekretarit Organizativ Damian Gjiknuri, Sekretarit për Diasporën Taulant Balla dhe ndonjë person tjetër do të jenë në listat fituese, pra në vendet e sigurta.

Kurse të gjithë të tjerët, përfshirë dhe vetë Kryeministrin do të jenë në lista të hapura.

Pra, në listat e hapura do të jenë të gjithë ata që kanë më shumë se një mandat deputeti, pra kush ka 2 mandate deputeti e më tej do të jetë në listat e hapura, do të krijohet një garë e fortë, midis vetë socialistëve nga brenda në çdo qark që ata do të kandidojnë.

Kurse pjesa tjetër e listës së mbyllur do të jetë e njerëzve që kanë vetëm një mandat apo me të rinj që do t’i vendosë kuptohet kryeministri, nëpërmjet shpalljes së emrave që do të bëjë në Kryesinë e Partisë Socialiste në momentet e fundit të shpalljes së listës sipas afateve që kërkon regjistrimi në KQZ.

Ajo që ka bërë Rama është mjaft e thjeshtë.

Të gjithë njerëzit të cilët janë sot deputetë dhe do të rikandidohen, të gjithë ata që duan të rikandidojnë, të gjithë ata që kanë dy mandate, tre mandate, pra janë pjesë e PS, kanë kontribuar për këtë parti dhe Rama e ka vështirë t’i nxjerrë nga skema, nga loja, t’i nxjerrë jashtë i thotë ti nuk do jesh se ke bërë kaq vite dhe duhet zhvilluar partia por ka gjetur një mënyrë tjetër.

Ai nuk i largon vetë dhunshëm por në listat e sigurta fut të rinjtë, fut dhe një grup nga sekretariati dhe në pjesën e ngelur të deputetëve, pra llogaria është e thjeshtë.

Partia Socialiste ka rreth 47 vende të pjesës së listës së sigurt dhe këtë e sqaroi shumë mirë kryeministri Rama tha nga 187 kandidatë, 140 është lista e hapur dhe 47 është lista e mbyllur.

Rreth 10 apo 15 mund të jenë sekretariati dhe personat me detyra të tjera. Mbi 30 persona do të jenë deputetë të cilët bëhen për herë të parë apo kanë pasur vetëm një mandat dhe ngelet pjesa tjetër.

Në një llogaritje të thjeshtë.

Nëse PS do të synojë të ketë 73-75 mandate, pjesa e ngelur e vendeve shkon më pak se 27 vende që do të jenë në garë në të gjithë Shqipërinë.

Pra, në qoftë se socialistët, partia socialiste në të gjitha qarqet e Shqipërisë do të marrë 73-75 vende deputetësh në parlament të cilat bëjnë shumicën pra bëjnë mazhorancën në garë për tu zgjedhur nga 140 vetë përfshirë këtu dhe Edi Ramën janë vetëm më pak se 27 vende gjithmonë sipas llogarisë 73-75 mandate të fituara.

Duhet të theksojmë se, jo të gjithë 12 drejtuesit e qarqeve mund të zgjidhen deputet pasi në Berat, në Shkodër dhe në Durrës drejtuesit e qarqeve janë kryetarë bashkie kështu që këto tre vende bien.

Pra, po të fusim 9 drejtues qarqesh, se 3 janë kryebashkiakë ngelen 18 vende.

Çfarë është propozimi i Ramës më shumë se

Pra, një betejë e hapur që i shërben Kryeministrit.

Ai vetë fiton, drejtuesit e qarqeve politikë patjetër që fitojnë, kështu që bëhet mjaft e vështirë për të gjithë stekat e vjetra të partisë, për të gjithë njerëzit që kanë dy apo tre mandate që të rizgjidhen deputetë.

Dhe ikja nuk ka pse të jetë e dhunshme me dëbim por ikja është garon mbledh një thes me vota ja jep partisë, pastaj partia merr pushtetin ti ikën deputet dhe shkon shërben në një vend tjetër.

Kjo është zgjidhja spektakolare që ka dhënë Kryeministri duke futur gjithë socialistët në garë për një numër të vogël vendesh për tu zgjedhur sepse në fakt shumica e tyre janë të vendosura prej tij dhe janë të zëna siç theksuam faktin e rreth 47 vendeve, ku do të jenë një pjesë e sekretariatit dhe deputetët e rinj, pjesa tjetër në betejë për të mbledhur vota të cilat i shërbejnë karriges së kryeministrit për t'u rizgjedhur dhe në finale largimi dhe ndryshimi i partisë në një formë spektakolare pasi nuk mund të ikësh dhe të lësh tokë të djegur pas, por do t’i mbushësh thesin partisë dhe do të mbash Edi Ramën kryeministër dhe pastaj mund të shkosh ku të duash./ CNA

 





Lajmet e fundit nga