web counter
LEXO PA REKLAMA!

SHKARKO APP

App Store
Google Play

Debat për rregulloren e re, PS kërkon më pak kohë për fjalën e deputetëve

15 Prill 2026, 14:41, Politikë CNA

Debat për rregulloren e re, PS kërkon më pak kohë për

Në Këshillin e Mandateve janë zhvilluar sot diskutime të tensionuara lidhur me ndryshimet e propozuara në Rregulloren e institucionit, ku mazhoranca dhe opozita janë përplasur për disa prej pikave kryesore të draftit.

Këshilli për Rregulloren, Mandatet dhe Imunitetin është mbledhur për të shqyrtuar projektvendimin që sjell ndryshime në mënyrën e zhvillimit të seancave plenare. Propozimet janë paraqitur nga Partia Socialiste dhe kanë ngjallur reagime të forta nga përfaqësuesit e opozitës.

Një nga ndryshimet më të debatueshme është reduktimi i kohës së diskutimit për deputetët nga 10 në 5 minuta, masë që mazhoranca e argumenton me nevojën për ecuri më të shpejtë të punimeve parlamentare.

Opozita ka kundërshtuar draftin, duke kërkuar që më parë të pritet qëndrimi i Gjykatës Kushtetuese, me argumentin se disa prej dispozitave të propozuara janë trajtuar më herët nga kjo gjykatë.

Debat ka sjellë edhe pika që parashikon miratimin më të shpejtë të projektligjeve që lidhen me procesin e përafrimit të legjislacionit me atë të Bashkimit Europian. Sipas opozitës, kjo ul hapësirën e diskutimit parlamentar, ndërsa mazhoranca e sheh si hap drejt përshpejtimit të reformave integruese.

Diskutimet pritet të vijojnë në ditët në vijim, ndërsa palët mbeten të ndara për mënyrën e miratimit të ndryshimeve./ CNA





Lajmet e fundit nga