CNA raportoi pagesat e Bashkisë Tiranë për “5D”-në/ Berisha: Rama u mbylli gojën drejtorëve

19 Mars 2025, 14:00, Politikë CNA

CNA raportoi pagesat e Bashkisë Tiranë për

CNA një ditë më parë raportoi se Bashkia Tiranë i ka paguar "5D"-së famoze të drejtorëve të Veliajt 200 milionë lekë në 12 mars të vitit 2025, një garanci për Rehabilitimin e Qendrës Kinostudio. (Lexo Ketu)

Kreu i PD-së, Sali Berisha, ka reaguar në lidhje me këtë denoncim duke thënë se Rama dje u mbylli gojën drejtorëve duke u dërguar paratë që janë të konfiskuara.

Ndër të tjera, Berisha nënvizoi se pagesa 200 mijë euro përfaqëson një fond të ngurtësuar, të cilat kompanitë janë të detyruara ta ngurtësojnë si punë sigurie, gjersa përfundojnë objektin dhe e marrin mbrapsht kur përfundon objekti.

Më tej lideri i opozitës deklaroi se "5D" është kompani me padrinon kryesor Edi Ramën, duke theksuar se edhe Erion Veliaj është përgjegjës dhe i zhytur thellë në këtë dosje.

“Është një vendim i djeshëm ky, aktakuza më e madhe për Edi Ramën, është akti që dëshmon para çdo shqiptari se njeriu prapa ‘5D’-së është Edi Rama. Kthehemi këtu bashkë kur doli çështja. Informata nga personel që merrej me hotelin më luksoz që ndërtohet në Durrës, erdhën se aksioner kryesor në këtë hotel është Olsi Rama, pra është Edi Rama dhe unë ua thashë ju këtu dhe unë e denoncova 2-3 herë këtë fakt.

Tani çfarë ndodh? Erion Veliaj padyshim që ishte përgjegjës dhe ai në ‘5D’ dhe i zhytur thellë. Në fakt ishte Mazniku më shumë. Një fakt duhet ta dini dhe ju. Në qoftë se midis Veliajt dhe Ramës kishte një marrëdhënie si midis një servili, por dhe rivali të pabesë, njeriu direkt i Edi Ramës në bashki ishte Mazniku.

Mazniku ka firmën 3-4 herë te ‘5D’ si autoritet kontraktues, e ka dhe Erioni në 2-3 raste. Tani çfarë ndodhi? A e dini ju çfarë është ai 200 mijë eurosh? Është shumë interesant. Ai 200 mijë euro është një pagesë që përfaqëson një fond të ngurtësuar, të cilat kompanitë janë të detyruara ta ngurtësojnë si punë sigurie, gjersa përfundojnë objektin dhe e marrin mbrapsht kur përfundon objekti. Bëhet fjalë për rikonstruksionin e kinostudios.

Por ‘5D’ nuk ka përfunduar as gjysmën e punimeve, se është bllokuar dhe Edi Rama dje për t'ua mbyllur gojën drejtorëve u dërgoi paratë që janë të konfiskuara dhe ato. Pra Edi Rama kreu një akt ekstrem. U ktheu paratë kompanisë së inkriminuar ‘5D’, duke dëshmuar, Erion Veliaj nga burgu, nuk ua kthente dot paratë, tani kryetar defakto i bashkisë është Rama. Tani del se ‘5D’ është kompani me padrino kryesor Edi Ramën.

Ndaj dhe e dërguan dosjen në gjyq pa asnjë akuzë për Erion Veliajn, pa asnjë akuzë për Maznikun dhe pa asnjë akuzë për Edi Ramën dhe Olsi Ramën...
...Është Uluziu. Uluziu shkoi i futi, i tha merre telefonin, ai i dha helmin. Atij mirë ia bënë, po t'i besosh Uluziut, që është standardi më...”, tha Berisha./ CNA