web counter
LEXO PA REKLAMA!

SHKARKO APP

App Store
Google Play

E fundit!

x

“Harresa e qëllimshme pas 11 majit merr fund”/ Këlliçi prezanton kandidatët në Njësinë Administrative Dajt

18 Mars 2025, 21:08, Politikë CNA

“Harresa e qëllimshme pas 11 majit merr fund”/

Drejtuesi politik i Partisë Demokratike për Tiranën, Belind Këlliçi ka qenë i pranishëm në prezantimin e kandidatëve në degën 14.

Këlliçi në një postim në rrjetet sociale shkruan se Njësia Administrative Dajt është lënë në harresë dhe përballet me mungesa të energjisë elektrike.

Këlliçi shkruan se kjo harfresë e qëllimshme do tëë marrë fund pas 11 majit.

“Sot së bashku me Kryetarin e FRPD, njëherazi Drejtues Politik i fushatës elektorale për Degën nr.14 Tiranë, Besart Xhaferri, pata kënaqësinë dhe nderin të prezantoj dy kandidatët për deputetë në këtë degë të PD.

Përkrah drejtuesit të fushatës në këtë zonë dhe dy kandidatëve të nderuar z. Besim Kuka dhe z. Kreshnik Çollaku, biseduam nga afër me strukturat tona duke u njohur me problematikat e zonës dhe duke prezantuar programin e Partisë Demokratike.

Në të vërtetë, problemet janë serioze dhe indiferenca në investime e prekshme. Tufina dhe e gjithë Njësia Administrative Dajt, sot gjendet në kushte të padenja dhe përballet me mungesa serioze të energjisë elektrike, mungesa të furnizimit me ujë të pijshëm i cili vjen me orar dhe më pak se 6 orë në ditë. Mungesa të rënda të investimeve në infrastrukturë, duke nisur që nga problemi i kanalizimeve, etj.

Garantojmë qytetarët se kjo harresë e qëllimshme pas 11 majit merr fund.

Partia Demokratike infrastrukturën e ka prioritet të padiskutueshëm dhe çdo qindarkë të buxhetit të shtetit do e rikthejë tek qytetari. Për të garantuar një jetesë dinjitoze dhe kushtet normale të funksionimit të një metropoli, i cili nuk mund të trajtohet më si një grumbull zonash të getoizuara dhe të harruara por si një organizëm i gjallë multipolar zhvillimi. Të gjithë bashkë, për një Tiranë të jetueshme dhe njerëzore”, shkruan Këlliçi./ CNA





Lajmet e fundit nga