web counter
LEXO PA REKLAMA!

SHKARKO APP

App Store
Google Play

E fundit!

x

“Nëse Berisha mund Ramën, do t’i ulem në gjunjë”/ Sula: Kreun e PD dhe Nokën, i mëshiroj për shpirtin e zi

18 Mars 2025, 17:53, Politikë CNA

“Nëse Berisha mund Ramën, do t’i ulem në

Deputeti Dashnor Sula në një dalje televizive ka folur për largimin e tij nga listat e Partisë Demokratike.

Ai ka zbuluar se deri mesditën e djeshme ka komunikuar me Sekretarin e Përgjithshëm të Partisë Demokratike, Flamur Nokën, i cili i kishte propozuar Sulës të ishte në listën e hapur.

Sula tha se kushti i tij për të qenë në listat e mbyllura ishte i panegociueshëm dhe zbuloi se e gishteë garantuar Nokën që nuk do e pranonte mandatin e deputetit nëse nuk merrte më shumë se 10 mijë vota personale.

Më tej Dashnor Sula tregoi se për të qenë në listën e mbyllur të Partisë Demokratike ishin vendosur kushte, ku u ishte kërkuar të siguronin 600 votues nga Diaspora.

“Komuniteti i katolikëve dhe ortodoksve në Elbasan janë të papërfaqësuar. Kanë vendosur veton ndaj meje dhe Zheni Gjergjit. Mbas datës 11 do t’i themi të gjitha, kush janë personat dhe çfarë kanë bërë. Kjo bëhet për të mos qenë ne shkaktarët e humbjes në Elbasan, megjithëse nuk diskutohet humbja. Elbasani sot është katër deputetë e gjysmë, mos të them ka shkuar te katra. Pasi nuk pranova të shkoja te “Nisma Shqipëria Bëhet” kam pranur të jem në listat e mbyllura. E garantova Nokën që nëse nuk kaloj  10 mijë vota personale dhe nuk mbroj mandatin e 6, nuk e dua mandatin. Dje në oprën 12 e gjysmë ka qenë komunikimi me Nokën për të qenë në listën e hapur. U thashë kushti që kam vendosur është i panegociueshëm. Kanë pasur ndërmend të më elimininonin, na kërkonin 600 emra nga Diaspora. Ishim gati që çfarëdolloj sfide të na vinin përpara do ta kalonim”, tha Sula.

 

Deputeti Dashnor Sula ka thënë se nuk ndjen urrejtje për Berishën, por keqardhje. Madje Sula ka bërë dhe një premtim nëse Berisha arrin të mundë Ramën më 11 maj. Ai tha se do t’i ulet në gjunjë kryedemokratit.

“Berishën nuk e urrej, as Flamur Nokën, por i mëshiroj për shpirtin e zi që kanë. Ndjej keqardhje për Berishën, i fryjnë në vesh aq shumë sa që e trullosin. Në mbledhjet që janë bërë e kanë dezinformuar në raport me mua.

Nëse Berisha e mund Ramën, unë Dashnor Sula do t’i ulem në gjunjë do t’i puth këmbët. I kërkoj vetëm një gjë: Çliroje Partinë Demokratike. Nëse do ta mbash peng, ajo parti është e destinuar të ikë me arkivol në Sharrë apo Tufinë me Berishën”, tha Sula./ CNA





Lajmet e fundit nga