web counter
LEXO PA REKLAMA!

SHKARKO APP

App Store
Google Play

Bordi i çmimeve/ Berisha: Rama u ka grabitur shqiptarëve 340 milion euro

14 Qershor 2022, 17:24, Politikë CNA
Bordi i çmimeve/ Berisha: Rama u ka grabitur shqiptarëve 340 milion
Kryetari i PD-së Sali Berisha

Kryetari i PD-së, Sali Berisha, ka akuzuar qeverinë dhe kryeministrin Rama se po vjedh shqiptarët nëpërmjet bordeve drejtuese.

Nëpërmjet një reagimi në "Facebook", kreu i opozitës shprehet se nëpërmjet bordeve, kryeministri Rama mbush valixhet e qeveritarëve dhe klientelës së tyre dhe zbrazin xhepat e qytetarëve.

Sipas Berishës, në tre muaj qeveria ka grabitur nga xhepat e qytetarëve nëpërmjet rritjes së çmimeve me bordet shushunja 340 milionë euro.

“Miq, këto ditë bordi komunist i Edi Ramës i rritjes së çmimit të ushqimeve ka vendosur çmimet e reja më të larta për produktet ushqimore bazë (miellin, orizin, vajin dhe sheqerin).

Bordet e hajdutit Rama janë betuar që të zhvasin çdo familje shqiptare, duke e ngritur çmimin e miellit nga 79 lekë/kg në 90 lekë/kg. Këta nuk kanë të ndalur e nuk ngopen me pak”, tha Berisha.

Më tej ai theksoi se, “qeveria po luan me bukën e gojës së qytetarëve shqiptarë, duke ia bërë të papërballueshme jetesën. Kjo qeveri i ka braktisur qytetarët e saj, e përpos kësaj, ka zgjedhur t'i zhvasë çdo qindarkë”.

Për kreun e opozitës, bordet nuk janë gjë tjetër veçse mendësia komuniste e Edi Ramës për të zbrazur xhepat dhe vjedhur qytetarët dhe pasur nën kontroll të plotë ushqimin e tyre si kusht kryesor për të kontrolluar të gjithë shoqërinë./CNA.al

Bordi i çmimeve/ Berisha: Rama u ka grabitur shqiptarëve 340 milion





Lajmet e fundit nga