web counter
LEXO PA REKLAMA!

SHKARKO APP

App Store
Google Play

Binaj deklaroi se do të bënte fushatë pa Berishën/ Kreu i PD-së: E mbështes plotësisht

10 Tetor 2025, 13:22, Politikë CNA

Binaj deklaroi se do të bënte fushatë pa Berishën/ Kreu i

Kryetari i Partisë Demokratike, Sali Berisha, në konferencën e tij për mediat është pyetur për deklaratën e bërë nga kandidati i pavarur Florjan Binaj, se nuk do të bënte fushatë me asnjë nga kryetarët e partive opozitare.

Berisha tha se e mbështet këtë deklaratë nga Binaj dhe u shpreh se nuk ka pse të bëjë fushatë me kryetarët e partive.

Më tej, kryedemokrati deklaroi se kryetarët e partive do të angazhohen për të mobilizuar elektoratin në mbështetje të kandidatëve të pavarur.

“E përshëndes plotësisht këtë deklaratë. Nëse është i pavarur nuk ka pse të bëhet fushatë me kryetarët e partive. Kryetarët do të angazhohen të mobilizojnë elektoratin për të votuar kandidatin e pavarur. Nuk është kandidat i propozuar nga ne, nga partitë opozitare.

Ogerta përfaqëson 100% Edi Ramën, kjo është e vërteta. Intervista e Binajt ishte intervista e një njeriu të ndershëm dhe të sinqertë përpara qytetarëve të Tiranës. Për herë të parë qytetarët nuk dëgjuan një politikan të flasë për partitë, por foli vetëm për qytetarët.

Ka një kërkesë ndaj PD-së, shumë e ligjshme, që kjo parti të hapet. Unë e kam premtuar këtë dhe e konsideroj jashtëzakonisht të drejtë atë kërkesë. Ne në këto zgjedhje duke adaptuar modelin për të mbështetur kandidatët e pavarur në 6 bashki, besoj se bëmë një hap në drejtimin e duhur”, deklaroi Berisha./CNA





Lajmet e fundit nga