web counter
LEXO PA REKLAMA!

SHKARKO APP

App Store
Google Play

Vendimi i Kushtetueses/ Celibashi: Pezulluam procesin përgatitor për zgjedhjet në Tiranë

10 Tetor 2025, 10:57, Politikë CNA

Vendimi i Kushtetueses/ Celibashi: Pezulluam procesin përgatitor për

Komisioneri Shtetëror i Zgjedhjeve, Ilirjan Celibashi, ka zhvilluar një konferencë për shtyp në lidhje me zgjedhjet e pjesshme lokale në Tiranë.

Celibashi ka njoftuar se zgjedhjet për Tiranën janë pezulluar pas vendimit të djeshëm të Kushtetueses për dekretin e presidentit Begaj.

Sa u përket 5 bashkive të tjera, Celibashi tha se do të zhvillohen zgjedhjet më 9 nëntor.

“Janë pezulluar zgjedhjet për Bashkinë e Tiranës. Çdo veprim i KQZ-së që lidhet me përgatitjet e zgjedhjeve për Bashkinë e Tiranës është pezulluar që ditën e djeshme. Më 9 nëntor do të zhvillohen zgjedhjet në 5 bashkitë e tjera. Do të ishim në shelje të Kushtetutës dhe Kodit Zgjedhor nëse KQZ do të vazhdonte me procesin përgatitor për zgjedhjet në Bashkinë e Tiranës. Në këtë moment është në kompetencën e Kushtetueses. Do të vendosë Gjykata Kushtetuese dhe më pas do të shohim më tej. Gjykata Kushtetuese ka caktuar datën 31 për të vendosur për këtë çështje. Në çdo version, qoftë KQZ, qoftë Këshilli i Ministrave, qoftë presidenti, do të shohin nëse do të ketë mundësi për të ndërmarrë ndonjë veprim të caktuar.

Zgjedhjet nuk mund të njoftohen më parë se 30 ditë nga momenti kur është njoftuar vakanca dhe jo më vonë se 45 ditë. Ky proces zgjedhor ka nevojë për të paktën 30 ditë për t’u përgatitur. Procesi përgatitor i zgjedhjeve nuk lidhet vetëm me zhvillimin e fushatës zgjedhore. Ajo çfarë ka rëndësi është hartimi i listës së zgjedhësve, e drejta e qytetarëve për t’u njohur me listën e zgjedhësve. Kandidatët e pavarur duhet të regjistrohen nëpërmjet një procesi që jo vetëm kërkon kohë, por përmban dhe disa të drejta të clat nuk mund t’ua mohojmë. Duhen pajisur me një formular për mbledhjen e nënshkrimeve dhe për Bashkinë e Tiranës nuk mund t’i pajisim tani me këtë formular”, tha Celibashi.





Lajmet e fundit nga