web counter
LEXO PA REKLAMA!

SHKARKO APP

App Store
Google Play

"Kushtetuesja" pezulloi dekretin e Begajt/ Qori: Fushata jonë nuk do të ndalet

9 Tetor 2025, 21:21, Politikë CNA
"Kushtetuesja" pezulloi dekretin e Begajt/ Qori: Fushata jonë nuk
Arlind Qori

Kandidati i Lëvizjes Bashkë për bashkinë e Tiranës, Arlind Qori është shprehur mbrëmjen e sotme se nuk do ta ndalin fushatën e tyre pavarësisht vendimit të sotëm të Gjykatës Kushtetuese për pezullimin e dekretit të presidentit Bajram Begaj. 

Gjatë fjalës së tij, në një dalje televizive, Qori tha më tej se është i gatshëm për një debat politik me dy kundërshtarët e tij, Ogerta Manastirliun dhe Florjan Binajn. 

"Presidenti i Republikes ka marrë vendim të rëndë që ka dekretuar këto zgjedhje. Ne si parti nuk mund të mos nxirrnim kandidaturën, pavarësisht rezervave tona, dhe nuk mund të ndalnim fushatën. Ne jemi gati për zgjedhje kurdo që të mbahen. Do ta vazhdojmë aktivitetin tonë. Mua më vjen keq që kandidatët e tjerë nuk do të vijnë ndonjëherë ndonjë debat me mua. Uroj pas 25 vjetësh të bëhet një debat për bashkinë e Tiranës që qytetarët të votojnë duke njohur kandidatët. Qytetarët duhet të kenë mundësinë t’i dëgjojnë të gjithë.", tha Qori. 

I pyetur pse nuk pranoi t'i bashkohej opozitës për mbështetjen e kandidaturës së Binajt, ai tha se Lëvizja Bashkë është një forcë politike që nuk ka lidhje me asnjë nga partitë e vjetra të sistemit. 

"Të themi të vërtetën, zonja Manastirliu është kandidate e PS dhe Edi Ramës dhe rrjedhimisht bashkia do jetë e Ramës. Kështu edhe Florjan Binaj është kandidat i Sali Berishës dhe atyre partive që janë në një koalicion me PD. Nëse qytetarët e Tiranës votojnë Binajn do kenë Berishën në krye të bashkisë. Ndërsa në nuk na bashkon gjë me partitë e vjetra të sistemit. Jemi parti antiqeveritare. Në këtë sens kurdo të jenë zgjedhjet ne do të dalim të kërkojmë vota si Lëvizja Bashkë. Dhe jemi më të fortë se kurrë.", u shpreh Qori./CNA





Lajmet e fundit nga