web counter
LEXO PA REKLAMA!

SHKARKO APP

App Store
Google Play

Sulmet ndaj prokurorëve dhe gjyqtarëve/ Tomorri: Sulltanët nuk pranojnë njerëz të pavarur

9 Tetor 2025, 19:35, Politikë CNA
Sulmet ndaj prokurorëve dhe gjyqtarëve/ Tomorri: Sulltanët nuk
Gazetari Klodian Tomorri

Gazetari Klodian Tomorri ka komentuar sulmet e kryeministrit Edi Rama ndaj gjyqtarëve.

Në një dalje televizive te Syri Tv, Tomorri tha se cilido prokuror apo gjyqtar që merr vendime që nuk shkojnë sipas interesave të kryeministrit, ky i fundit i sulmon duke i nxjerrë me emër dhe me figurë duke i lëshuar turmat.

“Kryeministri pastaj ka një raport problematik me çdo gjë që nuk i shkon për shtat interesave të tij. Ai është mësuar të ketë pushtet absolut dhe nëse del një prokuror në një cep të Shqipërisë, apo merr një vendim që ndalon një çmenduri, apo merr një vendim që nuk i pëlqen kryeministrit, ky të nxjerr në faqen e tij në Facebook. E ka nxjerrë prokurorin me emër mbiemër dhe me fytyrë duke i lëshuar turmat”, u shpreh Tomorri.

Sipas Tomorrit deklarata e Sokol Sadushit sot për sigurinë e drejtësisë ishin të vonuara.

“Kjo që bën sot Sokol Sadushi sot, janë shumë të vonuara sepse, gjyqtarët, prokurorët apo të gjithë punonjësit e sistemit të drejtësisë duhej të kishin reaguar shumë kohë më parë ndaj të gjithë atyre sulmeve apo fletërrufeve të kryeministrit”, deklaroi Tomorri.

Gazetari më tej theksoi se, sulltanët nuk mund të pranojnë njerëz të pavarur të cilët mbrojnë ligjin duke i dalë ndesh vendimeve apo interesave të tij.

“Kemi arritur në këtë pikë se kemi një kryeministër që i duket sikur i takon ky pushtet dhe kur dikush i del përpara, ky i duket sikur dikush po i hyn në hak. Sulltanët dhe despotët nuk mund të pranojnë njerëz të pavarur të cilët mbrojnë ligjin duke i dalë ndesh vendimeve apo interesave të tij”, tha ai./ CNA





Lajmet e fundit nga