E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

Berisha qetëson demokratët/ “Ne jemi PD-ja e vërtetë me vendim gjykate”

21 Janar 2023, 12:34, Politikë CNA

Berisha qetëson demokratët/ “Ne jemi PD-ja e vërtetë

Kreu i PD-së, Sali Berisha, i ka dhënë një shuplakë grupit të përçarësve, të cilët flasin në emër të PD-së, por pa shkuar kurrë në selinë blu.

Këtë kundërpërgjigje Berisha ua ka dhënë duke argumentuar vendimin e gjykatës të datës 25 mars 2022 që ka vendosur mbi Kuvendin e 11 dhjetorit.

“Të dashur miqtë e mi, me datën 25 mars, gjykata e Tiranës mori në shqyrtim dosjen e Kuvendit të 11 dhjetorit, të rithemelimit të PD-së.

Ajo gjeti gjithçka në përputhje me ligjet e vendit. Që në këtë vendim, të nesërmen e zbardhjes së tij, në mënyrë automatike, ky vendim regjistrohet në regjistrin e partive politike. Në çdo vend të lirë, kur një grup njerëzish vendosin të krijojnë një shoqatë apo parti, hartojnë statutin, firmosin dokumentin dhe gjykata vlerëson përputhjen e tyre me ligjin”

Ky vendim dhe asnjë element tjetër, realizon automatikisht regjistrimin në regjistrin e partive dhe shoqatave. Kur partitë ndryshojnë statutin, programin, këto ndryshime ato janë të detyruara t’i dërgojnë në gjykatë. Këtë bëri PD, dhe gjykata pasi i vlerësoi, i gjeti ligjore.

Pra, kemi marrjen peng të vendimit të gjykatës, nga data 25 mars, gjer sot. Me qëllimin e vetëm të pengojë pjesëmarrjen e PD në zgjedhje. Ose të detyrojë PD-në të veprojë siç veproi para vendimit të gjykatës. Ne krijuam një koalicion dhe morëm një emër tjetër në koalicion. Por nuk kishim vendimin e gjykatës”, ka thënë Berisha.

Ai ka sqaruar demokratët se pas vendimit të gjykatës, ne nuk kanë më asnjë pengesë, përveç urrejtjes së Edi Ramës, qëndrimit të tij antikushtetues për të na penguar.

“Në këtë kontekst, ne nuk do pengohemi. Ne jemi forca kryesore politike e vendit. Ai kërkon të hakmerret ndaj PD, për pushtetin e etërve të tij.

Unë dua t’u rikujtoj se me 11 dhjetor 1991, u mblodh plenumi i partisë për të shqyrtuar ultimatumin e studentëve. Në atë mbledhje, një njeri më shumë se kushdo tjetër, ka kërkuar përdorimin e armëve, futjen e tankeve ndaj studentëve, dhe ky është dajo i Ramës, Spiro Koleka.

Kjo ishte urrejtja familjare patologjike ndaj pluralizmit në këtë familje bllokmenësh”, ka dhënë Berisha./CNA.al