web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Paqja fiskale e Ramës do t’i lirojë trafikantët të legalizojnë paratë e krimit

27 Prill 2025, 15:58, Politikë CNA

Berisha: Paqja fiskale e Ramës do t’i lirojë trafikantët

Kreu i Partisë Demokratike, Sali Berisha zhvilloi sot një takim me banorët në Bilisht. Në fjalën e tij, Berisha hodhi akuza ndaj kryeministrit Edi Rama, se me politikën e tij për paqen fiskale i ka hapur rrugë trafikantëve që të legalizojnë paratë e krimit.

Sipas Berishës, Shqipëria nuk ka nevojë për narko-euro, por për euro europiane.

 Berisha tha se më 11 maj, gjobat absurde ndaj shqiptarëve do të bëhen zero.

“Miq, Edi Rama në marrëveshjen e tij me grupet shqiptare të trafiqeve, që sot janë bërë të famshme në botë, shkatërroi euron, sepse ata fusin euro me kontejner.

Miku i qeverisë, u gjet se kishte transferuar në atë bankë, në bankat e Europës 3 miliardë euro.

Hidhjani sytë kullave në Tiranë, monumente të shëmtuara të drogës dhe korrupsionit. Nga 4 miliardë euro që është investimi në kulla, 3.2 miliardë është investim i nëndheshëm.

Jo, ne do ju kompesojmë qindarkë për qindarkë uljen, zhvlerësimin e euros nga narkoeurot, gjersa të arrijmë të presim çdo kanal të kësaj mbetjeje toksike.

Shqipëria nuk ka nevojë për narko-euro, por për euro europiane.Dhe ne do ta realizojmë këtë.

Ju dëgjuat, taksë fiskale, bërtiti. Se kështu, si burracak që është, me paqe me luks i ndërton të gjitha. Paqja e luksit, paqja fiskale. Çfarë është kjo paqja fiskale?

Kjo paqja fiskale është që t’i lirojë trafikantët të legalizojnë paratë e krimit.

Tani, ku qendrojmë ne. Të gjithëve ju, të gjithë qytetarëve të Devollit, të gjithë qytetarëve shqiptarë do t’u falet çdo gjobë që keni para datës 11 majit.

Nuk janë problemi i shqiptarëve paratë e fshehura të drogës, por janë gjobat absurde të pashpirta që kanë vendosur inspektorët e bashkisë dhe të qeverisë me radhë. Ato bëhen zero më datën 11 maj”,-tha Berisha./CNA





Lajmet e fundit nga