web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama, aq sa ka të gjatë trupin, aq ka dhe dorën për të vjedhur

26 Prill 2025, 22:25, Politikë CNA

Berisha: Rama, aq sa ka të gjatë trupin, aq ka dhe dorën për

Kreu i Partisë Demokratike, Sali Berisha, nga takimi i zhvilluar sot në Pogradec, hodhi akuza ndaj kryeministrit Edi Rama. Gjatë fjalës së tij, Berisha tha se Rama, aq sa ka të gjatë trupin, aq ka dhe dorën për të vjedhur.

Berisha u shpreh se fushata që bën Rama përmban vetëm 5 fjalë, emra insektesh.

Berisha u shpreh se Edi Rama erdhi në politikë në të 30-tat e tij, kohë kur u lidh menjëherë me krimin, me trafikantët, nga të cilët nuk u nda kurrë.

“Ju e shihni se çfarë fushate bën. Ju keni një kryeministër që kalon nga takimi në takim dhe të gjitha fjalët e tij janë 5 fjalë; bufi, këneta, zhapiu, hardhuca, autiku, budallai etj.

Megjithë këtë ai përpiqet të banalizojë fushatën elektorale.

Porosit lakejtë e tij, që debatin ta përqendrojnë tek mosha e Sali Berishës.

Tani miq, ju lutem, ju lutem do të më dëgjoni.

Kur i thanë njëherë Ronald Reganit për moshën, Regani tha se, unë nuk dua ta përdor moshën time si privilegj ndaj kundërshtarit.

Unë s’po e them këtë, por prap i them, meqenëse i nxit për moshën, hajde këtu të provohemi në të gjithë fushat të shohim korçare dhe pogradecar, se çfarë dijesh ke, dhe cila ëhstë memorja jote që shkruan në dorë për gjëra që si mban mend.

Hajde këtu.

Por miqtë mi, unë dua të theksoj sot se politikanët gjykohen për atë që bëjnë dhe jo për moshën. Në botë, në Shqipëri, ka patur politikanë të mirë dhe politikanë të këqinj, të të gjitha moshave.

Ka patur politikanë që kanë ndryshuar kombe, madje kanë ndryshuar dhe botë.

Sot në botë ka 80-vjeçar që janë politikanë të mirë dhe u shërbejnë qytetarëve të vet.

Por ka dhe 30-vjeçar që janë diktatorë dhe vrasës. Nuk është ndonjë ligësi, por e vërteta është se Shqipërisë dëmet më të mëdha i kanë ardhur nga politikanët e rinj në moshë.

Ata që erdhën pas lufte ishin 20-30 vjeçar, ata u treguan xhelatë dhe bandit ndaj shqiptarëve.

Por edhe Edi Rama erdhi në politikë në të 30-tat e tij, por u lidh menjëherë me krimin, me trafikantët nga të cilët nuk u nda kurrë.

Dhe aq sa ka të gjatë trupin aq ka dhe dorën për të vjedhur”,-tha Berisha./CNA





Lajmet e fundit nga