web counter
LEXO PA REKLAMA!

SHKARKO APP

App Store
Google Play

E fundit!

x

Berisha ngre tonet në Kuvend/ Je argat i Vuçiçit, shkelmon mbi gjakun e fëmijëve

21 Korrik 2022, 13:11, Politikë CNA

Berisha ngre tonet në Kuvend/ Je argat i Vuçiçit, shkelmon

Kryetari i Partisë Demokratike, Sali Berisha, ka folur me tone të forta sot në Kuvend, ndërsa i është drejtuar kryeministrit Edi Rama, të cilin e cilësoi si “vasal” të Serbisë.

Sipas Berishës, Rama vijon të jetë vasal i Serbisë, duke mos dënuar gjenocidin serb, ndërsa theksoi se as gjaku i mijëra fëmijëve nuk e stepi.

“Ky është vasalitet ndaj Vuçiç, është shkelmim i gjakut të mijëra shqiptarëve.

Është shkelmim mbi jetët e mbi 1600 fëmijëve që ranë për t'u bërë të pavdekshëm, por që një vasal, një argat pa moral, pa nder, pa dinjitet, pa asgjë nuk stepet para gjakut të tyre.

Ata janë jetë fëmijësh të marra vetëm se ishin të etnisë shqiptare. Ëshë i turpshëm ky akt, është çnjerëzor, është antikombëtar.

Me asnjë lloj rrugaçërie, asnjë lloj shpërfytyrimi që kreu juaj bën nuk mund të mbulojë këtë qëndrim çnjerëzor dhe antikombëtar të diktuar fund e krye nga Milloshevici”-tha Berisha.

Ndërsa duke u ndalur te raporti i Dick Marty-t, Berisha e cilësoi atë si një mashtrues ordiner.

"Dick Marty është një mashtrues ordiner. Del këtu e përpiqet të bëjë patriotin me këtë rezulotë".

"Në shtator të vitit 2011, në sallën e OKB-së, Sali Berisha ka denoncuar raportin e Dick Marty-t. Se ato që shkruhen në raport, janë shpifje.”-u shpreh Berisha.

Më tej, ai publikoi edhe një video, të viteve më parë, ku shfaqej në selinë e PD-së, ndërsa jepte mbështetjen e tij për Kosovën.

“Kur Edi Rama, Fatos Klosi dhe Frederik Imeri merreshin me afera të zeza gjatë asaj lufte, PD dilte në ballë me kërkesën 'Një komb një qëndrim' dhe bëri gjithçka për Pavarësinë e saj, ju bëtë gjithçka për copëtimin e saj.

E arrestuat Thaçin se e futët në spirale të lojërave ballkanike”-theksoi Berisha./CNA.al





Lajmet e fundit nga