web counter
LEXO PA REKLAMA!

SHKARKO APP

App Store
Google Play

Berisha nga Zagrebi: Problemet e Shqipërisë, nga klanet e drogës në vendimmarrje te pasiguria

29 Prill 2026, 20:28, Politikë CNA

Berisha nga Zagrebi: Problemet e Shqipërisë, nga klanet e drogës

Kryetari i Partisë Demokratike, Sali Berisha ndau një deklaratë nga Zagrebi, ku ndodhet sot në kuadër të Forumit të IDU 2026, që mbledh liderët e djathtë nga e gjithë bota në kryeqytetin kroat.

Në fjalën e tij, Berisha u shpreh se kjo pjesëmarrje vjen si një mënyrë për të paraqitur problematikat e vendit, që sipas tij lidhen kryesisht me sigurinë dhe integrimin.

Kryedemokrati theksoi se edhe klanet shqiptare të drogës përbëjnë shqetësim, pasi janë rrezik dhe kërcënim serioz për Shqipërinë e më gjerë.

“Ne vijmë këtu në këtë forum botëror për të paraqitur problematikat e mëdha të Shqipërisë dhe rajonit në këndvështrimin tonë, për t'i debatuar dhe diskutuar këto probleme me aleatët tanë. Probleme madhore që kanë të bëjnë me sigurinë në rajon, probleme madhore që kanë të bëjnë me procesin e integrimit të Shqipërisë në Bashkimin Europian, pengesat shumë serioze që Edi Rama me shtrirjen e Shqipërisë në një autokraci elektorale apo diktaturë autoritare, i ka bërë dhe i bën procesit të integrimit, me ndërtimin e narko-shtetit të parë dhe të vetëm në Europë, shkatërrimin ose dëmtimin e rëndë të ekonomisë shqiptare për shkak të zhvlerësimit dramatik të euros dhe dollarit, goditjes shumë të rëndë të eksporteve, prodhimit industrial, prodhimit bujqësor. Pra, përveç faktit që dihet që klanet e drogës janë sot vendimmarrësit kryesorë dhe më të rëndësishëm, por ato siç kanë faktuar zbulimet e fundit, ato arritën të kontrollojnë të gjithë internetin e Shqipërisë me të gjithë të dhënat e shqiptarëve. Kështu që, në këtë aspekt përbëjnë një rrezik dhe kërcënim serioz për sigurinë jo vetëm të Shqipërisë, por dhe të rajonit dhe më gjerë”,-u shpreh Berisha./CNA





Lajmet e fundit nga