web counter
LEXO PA REKLAMA!

SHKARKO APP

App Store
Google Play

Berisha “kërcënon” nga Vlora: S’kisha ftesë, betejë pa kthim për ta çuar Ramën në Beograd

28 Nëntor 2023, 10:53, Politikë CNA
Berisha “kërcënon” nga Vlora: S’kisha ftesë,
Sali Berisha në Vlorë

Ish-kryeministri Sali Berisha, teksa vendoste lule në varrin e Ismail Qemalit në Vlorë, ka kërcënuar Ramën duke thënë se beteja e nisur është pa kthim derisa ta kthejnë atë në Beograd.

Ai ka pohuar se nuk ka pasur një ftesë për t'iu bashkuar ceremonisë zyrtare me kryeministrin Rama, Kurtin e presidentin Begaj, por edhe nëse do të kishtë pasur një të tillë do ta refuzonte.

Ai ka akuzuar Ramën se po ndjek të njëjtën linjë si në fillim të këtij shekulli për ndarjen dhe përçarjen e vendit.

"Kjo është një ditë që duhet t’i bashkojë shqiptarët, të betohen para Ismail Bej Vlorës dhe etërve të tjerë të pavarësisë, se Shqipëria nuk do jetë më e sunduar nga pashiqi apo vëllai i Vuçiçit, siç e quajnë në Kosovë, apo argati i Beogradit, siç e kanë quajtur rëndom në Tiranë, Edi Rama.
Nuk kisha asnjë ftesë, por edhe po të kisha ftesë, me pashiqin te varri i Ismail Qemalit, nuk do vija kurrë.
Si mund të bashkohem me atë, i cili ndjek po atë linjë të viteve të fillimit të shekullit të ndarjes dhe përçarjes së shqiptarëve. Nuk ka bashkim me të, ka betejë pa kthim gjer në largimin e tij në Beograd.” – tha Berisha.

Kryedemokrati zhvilloi homazhet para varrit të Ismail Qemalit në kuadër të ditës së flamurit menjëherë pas përfundimit të ceremonisë zyrtare në të cilën morën pjesë Begaj, Rama, Kurti, e disa zyrtarë të lartë./CNA





Lajmet e fundit nga