web counter
LEXO PA REKLAMA!

SHKARKO APP

App Store
Google Play

Berisha: Do të kërkojmë komision hetimor për udhëtimet e Ramës me çarter

27 Qershor 2025, 14:06, Politikë CNA

Berisha: Do të kërkojmë komision hetimor për udhëtimet

Kreu i PD-së, Sali Berisha, në një deklaratë për mediat, është shprehur se opozita do të kërkojë sërish komision hetimor parlamentar për udhëtimet e kryeministrit Edi Rama me çarter.

Sipas Berishës, ka dyshime për atë që ka pasur brenda bauleve.

“Ne kemi kërkuar, siç e dini ju, një hetim shumë me interes për shqiptarët dhe komunitetin ndërkombëtar, pasi ekzistojnë dyshime dhe të dhëna të pamohueshme për transporte me çarterin e Edi Ramës, për ngarkesa shumë të dyshimta.

Këtu i kam denoncuar sapo jam informuar. Ka burime të cilat thonë se valixhet diplomatike të Edi Ramës me çarter janë më voluminoze dhe më numerike të të gjitha qeverive të Europës të marra së bashku. Po.

Për të mos thënë pastaj, se ka zëra të tjerë që me çarter kanë udhëtuar persona të rrezikshëm shumë të kërkuar. Atëherë, ne kërkuam një komision hetimor parlamentar për këtë.

Ai u mbrojt nga pseudomazhoranca e tij.

Ne prapë do të kërkojmë. Ne do të kërkojmë edhe mbështetje ndërkombëtare, për të hetuar, si këto shpenzime, ashtu dhe baulet diplomatike. Se kur udhëton kryeministri zakonisht udhëton me valixhen e tij, por në qoftë se ka një seri të pafundme baulesh, aty thuhet se është transportuar, janë trafiqe ilegale monedhash, droge, apo ku ta di unë, nuk mund të them, sepse duhet hetimi.

Por të dhënat i kam absolutisht shumë të qarta, informacionet, më fal”, tha Berisha./ CNA





Lajmet e fundit nga