web counter
LEXO PA REKLAMA!

SHKARKO APP

App Store
Google Play

E fundit!

x

Beleri nuk merr leje për betimin/ Dule “drejton sërish gishtin” nga Rama

10 Tetor 2023, 13:01, Politikë CNA

Beleri nuk merr leje për betimin/ Dule “drejton sërish

Kreu i PBDNJ-së, Vangjel Dule, foli për mediat pasi Gjykata e Durrësit shpalli moskompetencë për kërkesën e kryebashkiakut të Zgjedhur të Himarës, Fredi Belerit.

Dule hodhi sërish akuza ndaj kryeministrit Edi Rama, për të cilin tha se po e mban në burg për shkaqe politike. Ai pretendoi se nuk ka asnjë ligj që e ndalon Belerin të betohet.

“Juve e shikoni se topi hidhet në shkallët e stadiumit në vend që të luhet loja juridike me norma dhe rregulla, kompetenca e moskompetencës. Unë do t'u thosha të gjithëve, t’i hedhim një sy Konventës Evropiane të të Drejtave të Njeriut. Një qytetar i cili prezulmohet i pafajshëm, i zgjedhur nga komuniteti i Himarës për të qenë kreu i bashkisë së tyre, si pengohet për të kryer betimin?

S’ka asnjë ligj që e pengon të betohet. Ky është një vendim kryekëput politik. Ai mbahet në burg nga kryeministri Rama. Duhet të dallojmë me shumë vëmendje, kushdo mund të jetë i ndaluar por jo i dënuar”, theksoi Dule.

Kujtojmë se Fredi Beleri kishte kërkuar që t’i jepet leje për të bërë betimin si kryebashkiak i Himarës, por Gjykata e Durrësit shpalli moskompetencë.

Tashmë kjo kërkesë pritet të shkojë për shqyrtim në Gjykatën e Lartë./ CNA





Lajmet e fundit nga