web counter
LEXO PA REKLAMA!

SHKARKO APP

App Store
Google Play

E fundit!

x

“Bashkëpunëtorët e Bashës biznese në Ukrainë”/ Kryemadhi: Pala holandeze po e heton

27 Mars 2025, 22:49, Politikë CNA

“Bashkëpunëtorët e Bashës biznese në

Deputetja Monika Kryemadhi ka hedhur akuza të forta ndaj Lulzim Bashës.

E ftuar në emisionin Opinion, Kryemadhi është shprehur se, bashkëpunëtorët e tij janë persona të cilët janë pjesë jo vetëm në marketingun e shitjes së apartamenteve apo për të vazhduar dhe me projekte të tjera që nëpërmjet zyrës së Kryeministrit kanë bërë biznese pranë Bashës në Ukrainë apo dhe me shumë projekte të tjera.

Pjesë nga debati në emisionin Opinion

Monika Kryemadhi: Mjafton të shikosh sot xhirot e bizneseve të ish-kryetarit të opozitës, z.Basha, do të kuptoni se kush e ka blerë.

Blendi Fevziu: Pse ka biznese z.Basha?

Monika Kryemadhi: Duke filluar që nga projekti i Portit të Durrësit, për të vazhduar pastaj..

Blendi Fevziu: Është Al Abari..

Monika Kryemadhi: Po kunati i vetë (i z.Basha).

Blendi Fevziu: Z.Basha është në projektin e Durrësit?

Monika Kryemadhi: Bashkëpunëtorët e z.Basha janë ata të cilët janë pjesë jo vetëm në marketingun e shitjes së apartamenteve apo për të vazhduar dhe me projekte të tjera që nëpërmjet zyrës së Kryeministrit kanë bërë biznese pranë z.Basha në Ukrainë apo dhe me shumë projekte të tjera.

Blendi Fevziu: Në Ukrainë?

Monika Kryemadhi: Po. Patjetër. Unë asnjëherë nuk gaboj dhe nuk them gjëra që janë të pavërteta. Është një gjë që përsëri edhe historia e z.Basha, siç i erdhi Erion Veliajt radha, do t’i vijë dhe z.Basha radha. Unë shpresoj që qeveria holandeze të ketë mbaruar hetimin se me çfarë jeton bashkëshorti i znj.Basha në Shqipëri dhe me çfarë funksionon partia politike e tij.

Blendi Fevziu: Ka një investigim nga pala holandeze?

Monika Kryemadhi: E mira vonon por në fakt do të vijë një ditë ashtu siç erdhi dhe për çështjen e inceneratorit që akoma nuk është zbardhur deri në fund./ CNA





Lajmet e fundit nga