web counter
LEXO PA REKLAMA!

SHKARKO APP

App Store
Google Play

Gaz Bardhi: Familjarë të deputetëve socialistë kanë marrë para nga fondet e IPARD-it

16 Tetor 2025, 12:10, Politikë CNA

Gaz Bardhi: Familjarë të deputetëve socialistë kanë

Kreu i grupit të PD-së, Gazment Bardhi, akuzoi sot se familjarët e deputetëve socialistë kanë marrë para nga fondet e IPARD-it.

Në fjalën e tij në Kuvend, Bardhi tha se këto para nga fondet e BE-së dhe qytetarëve europianë, në vend që t'u jepeshin fermerëve, janë marrë përmes njohjeve familjare dhe politike.

Bardhi shtoi se PD dhe opozita do të ngrenë brenda javës një komision hetimor për këtë çështje.

“Mocioni ishte për fermerët. Do t'ju shpjegoj pse Taulanti nuk flet dot për fondet e IPARD-it dhe fermerët. Nuk kemi bërë as më shumë e as më pak, kur ju paraqitët komisonin 'Xhafaj'. Paraqitët edhe një rezolutë për komision të posaçëm. U votua rezoluta dhe më pas komisioni. Nuk doni të flisni pse BE ka bllokuar fondet prej miliona eurosh që shkojnë për fermerët. Jemi i vetmi vend që na kanë bllokuar fondet se kjo qeveri ka zgjedhur të vjedhë jo vetëm fondet e shqiptarve, por edhe të qytetarëve europianë.

Brenda javës do të ngremë komison hetimor për këtë çështje. Do të verifikojmë se si paratë e fermerëve i mori babai i Suel Çelës. Një njeri i shpallur në kërkim si kreu i një organizate nga më të fuqishmet kriminale në Shqipëri.

Ne nuk donim të bënim politikë mbi këtë çëshjte, por kemi për detyrë të diskutojmë se si besimi i institucioneve europiane dhe i Kuvendit për miratimin e fondeve janë shkelur.  

U shpërndanë paratë nga fondet e IPARD-it për familjarët, në vend që të merreshin nga fermerët e Divjakës, Lushnjës dhe Elbasanit.

Familjarë të deputetëve socialistë kanë marrë para nga fondet e IPARD-it. Presim që qeveria të gjejë zgjidhje ligjore, që paratë nuk do të vidhen dhe jo me thashetheme”,-tha Bardhi./CNA





Lajmet e fundit nga