web counter
LEXO PA REKLAMA!

SHKARKO APP

App Store
Google Play

Fatmir Mediu, me tone të ashpra/ I drejtohet Ballës: Nuk të pyes ty, ti nuk e di se ku është Kosova

16 Tetor 2025, 11:10, Politikë CNA

Fatmir Mediu, me tone të ashpra/ I drejtohet Ballës: Nuk të pyes

Kreu i PR-së, Fatmir Mediu, i është drejtuar me tone të ashpra kreut të Grupit Parlamentar të PS-së, Taulant Balla.

Debatet kanë nisur për Kosovën, pasi PD kërkon të miratohet një rezolutë për gjenocidin serb në Kosovë.

Mediu u shpreh se nuk mund të jenë në të njëjtën kohë në krah të UÇK-së dhe partner me Vuçiç-in.

Në debat e sipër, Mediu iu drejtua duke i thënë Ballës se nuk e di se ku është Kosova.

"Ky Kuvend, jo vetëm duhet të flasë për gjenocidin, por duhet të shtojë edhe lirimin e liderëve të UÇK-së, janë pjesë e historisë që po përpiqen të shtrembërohen për t’i kthyer viktimat në kriminelë edhe kriminelët në viktima. I kam njohur presonalisht dhe jam krenar e më bën nder.

Duhet ta marrim këtë qëndrim sot, nuk na ndan asnjë qëndrim politik me këtë çështje. Nuk mund të jemi në krah të UÇK-së dhe në krahun tjetër partner me Vuçiç-in.

Duhet të jemi të ndarë dhe të qartë në qëndrimet që duhet të marrim.

Si qytetar do të jem kudo ku flitet për Kosovën dhe lirimin e ish-krerëve të UÇK-së.

Nuk të pyes ty Taulant Balla. As s'e ke ditur dhe as s'e di ku është Kosova", tha Mediu./ CNA





Lajmet e fundit nga