web counter
LEXO PA REKLAMA!

SHKARKO APP

App Store
Google Play

Alimehmeti zbulon prapaskenat/ “Thika pas shpine” e qeverisë me diplomat e studentëve

7 Korrik 2023, 19:43, Politikë CNA
Alimehmeti zbulon prapaskenat/ “Thika pas shpine” e qeverisë me
Mjeku Ilir Alimehmeti

Mjeku Ilir Alimehmeti e ka cilësuar thikë pas shpine projektligjin për të bllokuar diplomat e studentëve të mjekësisë për 5 vite, duke i detyruar ata të punojnë për shtetin shqiptar.

Alimehmeti tha se Qeveria në këtë rast ka luajtur me strategji, pasi përpjekjen për bllokimin e diplomave po e bën në muajin korrik, kur studentët janë larguar drejt rretheve.

Sipas tij, Qeveria po përfiton nga mungesa e studentëve, për të shmangur kështu një protestat masive.

“Absolutisht që është një pengesë për shumë arsye, unë do t'i kapja të gjitha me radhë nga fillimi deri në fund.

Së pari, nëse ju e mbani mend, kjo histori për herë të parë u dëgjua diku vjet në tetor, pra para fillimit të këtij viti akademik, u përmend në konferencë me rektorët, nga kryeministri, pra, ka pasur gjithë vitin akademik në vete për të ecur përpara me këtë.

Dhe qëllimisht bëhet tani në korrik, si një thikë pas shpine për studentët, të cilët janë në sezon provimesh tani në korrik dhe duhet ta kenë mendjen aty se është detyra e tyre. Bëhet tani në korrik me procedura të përshpejtuara dhe jo për çështje kohe sepse koha ka qenë në dispozicion, por për të pasur sa më pak reagime të mundshme, duke qenë se ata janë të shpërndarë nëpër rrethe dhe nuk e kanë mundësinë fizike për të reaguar sepse nuk janë në Tiranë.

Ata që ishin, ne i pamë që dolën në reagim. Duket që është një lëvizje me disa drejtime, njërin drejtim e pamë në nëntor 2022 kur kaloi një VKM, një VKM që lejon praktikisht privatizimin e unisversiteteve nga fondacione.

Është një lëvizje që fare mirë mund të shkojë edhe në këtë drejtim, pra bëhet zhurma e madhe për anën e studentëve, kur në fakt synimi i vërtetë mund të jetë vënia me PPP e çdo lloj universiteti publik, në këtë rast të mjekësisë.

E dyta, çfarë do thotë kjo për studentët? Nuk ke mundësi, nuk shkon dhe nuk bën sens t'ju thuash pasi kanë nisur, pasi kanë kaluar 6 vjet të ndërrosh rregullat e lojës, as në mes të lojës, por në fund të lojës.

Me datë 31 korrik shumë prej tyre mbyllin ciklin e studimeve dhe dalin mjekë dhe këtë lëvizje kaq shpejt ua bën vetëm pak ditë përpara”, theksoi mjeku./ CNA.al





Lajmet e fundit nga