web counter
LEXO PA REKLAMA!

SHKARKO APP

App Store
Google Play

Kurti i bën “bllok” Ramës?/ Kryeministri: Kabineti im nuk është lidhur dot me qeverinë e Kosovës

6 Korrik 2023, 21:53, Politikë CNA
Kurti i bën “bllok” Ramës?/ Kryeministri: Kabineti im nuk
Kryeministri Edi Rama

Kryeministri Edi Rama ndodhet në Kosovë në kuadër të turit ballkanik, por nuk u prit nga homologu i tij Albin Kurti, ashtu siç kishte planfikuar kreu i qeverisë.

Rama zbuloi mbrëmjen e sotme se qeveria e Kosovës nuk i ka kthyer asnjëherë përgjigje zyrtarisht për mbajtjen ose jo të këtij takimi.

Madje, kryeministri theksoi se kabineti i tij qeveritar nuk ka mundur të krijojë lidhje me kabinetin e Kurtit, duke ngritur kështu aludimet qe qeveria e Kosovës i ka ndërprerë kontaktet.

Ai deklaroi në një intervistë televizive se një shtet serioz duhet të jepte një përgjigje zyrtare.

"Por mua nuk më shqetëson kjo, mua më shqetëson fakti që edhe tani që flasim, ne nuk kemi marrë një përgjigje zyrtare, serioze nga një shtet serioz që ia kërkon zyrtarisht dhe përgjigjet zyrtarisht.

Nuk kemi asnjë përgjigje zyrtare ne, sepse nuk kemi pasur mundësi të kemi një përgjigje zyrtare. Menjëherë të gjitha qeveritë e tjera janë përgjigjur nëpërmjet kabineteve të kryeministrave, siç e kemi bërë ne kërkesën. Nuk ka qenë e mundur, edhe sot që flasim nuk është arritur të kontaktohet kabineti, kështu që është situatë që mua më bën të besoj se nuk jam unë që duhet ta interpretoj, nuk jam unë që duhet të flas për këtë", theksoi Rama./ CNA.al





Lajmet e fundit nga