web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Vasili: Drejtësia duhet të ishte në zyrën e Ramës

10 Korrik 2022, 17:08, Politikë CNA
Afera e inceneratorëve/ Vasili: Drejtësia duhet të ishte në
Nënkryetari i LSI-së, Petrit Vasili

Nënkryetari i LSI-së, Petrit Vasili, ka folur sërish pasditen e sotme për inceneratorët, aferë për të cilën shprehu pakënaqësi nga drejtësia.

Vasili deklaroi se drejtësia është shumë e vonuar dhe pasive dhe sipas tij, kjo tregon se shteti është në dispozicion të mafies që e mbështet.

“Absurde. Fjalën në çdo situatë duhet ta merrte drejtësia. Jemi para faktit se drejtësia është shumë e vonuar dhe pasive. Në rrethana të tjera ju e keni parë se ka vepruar rrufe për ndeshjet e futbollit kategori e dytë.

Për çështje banale, shumë larg misionit të saj, bën sikur vepron. Këta janë elementë të qartë për një aferë kriminale me miliona euro që demonstron një shtet në dispozicion të mafies që e mbështet, i hap dyert, nuk i pengon”, u shpreh ai.

Më tej, deputeti ngriti akuza për përfshirje të ministres së Ekonomisë, Delina Ibrahimaj, në skandal, në kohën kur ajo ishte drejtoreshë e Tatimeve.

“Pa dalë denoncimi, vetëm me ndonjë shkrim investigativ që hedh një fakt të shkëputur për abuzim të tillë në botë, edhe në nivele të dyta e të treta, largohen ministrat, e në nivele të mëdha largohen kryeministra, se nuk kryejnë detyrat shtetërore”, theksoi ai në "Syri Tv".

Sipas tij, drejtësia tashmë duhet të ishte në zyrën e kryeministrit Edi Rama dhe në të gjitha zyrat shtetërore.

“Këtu jo vetëm që qeveria duhet të largohej, një orë e më parë. Njëkohësisht drejtësia duhet të ishte në zyrat e Ramës dhe gjithë shtetit, duhet të bënte operacionin më të madh ndonjëherë”, nënvizoi Vasili./ B.A. – CNA.al





Lajmet e fundit nga