LEXO PA REKLAMA!

SHKARKO APP

5 kandidatë për bashkitë lënë mandatet e deputetëve/ Kush janë emrat që do t’i zëvendësojnë

26 Mars 2023, 11:34, Politikë CNA

5 kandidatë për bashkitë lënë mandatet e

Teksa zgjedhjet e 14 majit po afrojnë, PD dhe PS kanë zyrtarizuar kandidatët për 61 bashkitë e vendit.

5 nga këta kandidatë janë deputetë të Parlamentit të Shqipërisë dhe për të garuar në zgjedhje duhet të dorëzojnë mandatet.

Bëhet fjalë për Luçiano Boçin, Belind Këlliçin e Zef Hilën të Partisë Demokratike dhe Benet Becin e Besjan Ajazin të Partisë Socialiste.

Deri më tani mandatet i kanë dorëzuar Luçiano Boçi dhe Belind Këlliçi, ndërsa pritet që këtë veprim ta kryejnë dhe tre kandidatët tjerë.

Por kush janë politikanët që do të marrin mandatin e deputetit?

Luçiano Boçi në Elbasan do të zëvendësohet nga Qani Xhafa, Belind Këlliçi nga Asllan Dogjani dhe Zef Hila nga Ludovik Hasani.

Nga ana tjetër, për sa u përket deputetëve të PS-së, në Kuvend do të shkojnë Ilir Beqaj në vend të Benet Becit dhe Shkëlqim Bullari në vend të Besjan Ajazit./ CNA.al

Lajmet e fundit nga